💥 “तर राजकारण सोडेन” — प्रशांत किशोर यांचं मोठं भाकित; बिहार निवडणुकीत उलथापालथ होणार? 💥
बिहार निवडणुकीत तिरंगी लढत; नितीश कुमार यांच्या भवितव्यावर प्रश्नचिन्ह?
बिहार _बिहारमध्ये पुन्हा एकदा राजकीय तापमान चढले आहे. केंद्रीय निवडणूक आयोगाने विधानसभा निवडणुकीची घोषणा करताच प्रशांत किशोर यांच्या जन सुराज पक्षाने मैदानात उतरून नवा राजकीय समीकरण निर्माण केले आहे. तब्बल पंधरा वर्षांनंतर राज्यात ६ आणि ११ नोव्हेंबर रोजी दोन टप्प्यात मतदान होणार असून, निकाल १४ नोव्हेंबरला लागणार आहे. यंदा नितीश कुमार यांची ही अखेरची निवडणूक ठरण्याची शक्यता वर्तवली जात आहे.
‘न्यूज १८’ला दिलेल्या मुलाखतीत प्रशांत किशोर यांनी जोरदार दावा केला आहे की, जन सुराज पक्ष बिहार निवडणुकीच्या निकालावर मोठा प्रभाव टाकणार आहे. “नितीश कुमार यांना या वेळेस २५ पेक्षा जास्त जागा मिळणार नाहीत. तसे झाल्यास मी राजकारण सोडून देईन,” असं त्यांनी स्पष्ट सांगितलं. याच वक्तव्यामुळे बिहारमध्ये मोठी खळबळ उडाली आहे.
किशोर म्हणाले, “गेल्या ३५ वर्षांपासून बिहारमध्ये काही मोजक्या नेत्यांनी सत्ता उपभोगली आहे. मात्र आता जनता बदलाची मागणी करत आहे. बेरोजगारी, भ्रष्टाचार, स्थलांतर आणि विकासाचा अभाव — या सगळ्यामुळे मतदार नाराज आहेत.”
महाआघाडीतील नेत्यांनी जन सुराज पक्षावर “भाजपाची बी टीम” असल्याचा आरोप केला असला, तरी किशोर यांनी तो फेटाळून लावत म्हटलं, “आमच्यावर आरोप करणारे पक्ष घाबरले आहेत. आम्ही जातीयवादापलीकडे जाऊन प्रत्येक समाजातील उमेदवारांना संधी देणार आहोत.”
याचवेळी त्यांनी काँग्रेस आणि आरजेडीवरही टीका केली. “राहुल गांधींचा बिहारमध्ये फारसा प्रभाव नाही. लालू प्रसाद यादव आणि तेजस्वी यादव यांच्या नेतृत्वाखाली महाआघाडीला मर्यादित यश मिळेल, पण काँग्रेसचा सुपडासाफ होण्याची शक्यता आहे,” असा दावा त्यांनी केला.
बिहार निवडणुकीत जन सुराज पक्ष २४३ जागांवर उमेदवार उभे करणार असून, किशोर यांनी स्पष्ट केलं की, “आम्ही कोणत्याही आघाडीसोबत, निवडणुकीपूर्वी किंवा नंतर, युती करणार नाही.”
आता पाहायचं म्हणजे, प्रशांत किशोर यांचं हे “भाकित” खरं ठरतं की त्यांना खरंच राजकारण सोडावं लागतं — हे १४ नोव्हेंबरला स्पष्ट होईल!
Credit ~ बातमी साभार सोशल मिडिया व्हायरल
🔖 हॅशटॅग्स:
#PrashantKishor #BiharElection2025 #NitishKumar #JanSurajParty #Mahagathbandhan #BJP #Congress #TejashwiYadav #IndianPolitics #RatnagiriVartahar
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
