तळवली हायस्कूल व कनिष्ठ महाविद्यालयात डॉ बाबासाहेब आंबेडकर यांचा 68 वा महापरिनिर्वाण दिन साजरा.
..
तळवली (मंगेश जाधव)..
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली ता. गुहागर जि. रत्नागिरी येथे भारतीय घटनेचे शिल्पकार महामानव, विश्वरत्न, भारतरत्न डॉ बाबासाहेब आंबेडकर यांचा 68 वा महापरिनिर्वाण दिन साजरा करण्यात आला.
प्रारंभी मुख्याध्यापक श्री. एम. ए.थरकार सर यांच्या हस्ते डॉ.बाबासाहेब आंबेडकर यांच्या प्रतिमेला पुष्पहार अर्पण करण्यात आला व सर्व उपस्थितांनी विनम्र अभिवादन केले. त्यानंतर इयत्ता दहावीची विद्यार्थिनी कु. समीरा जोशी हिने प्रास्ताविक व स्वागत केले. कु. स्वरा साळवी, कु.श्रावणी पवार,को.माही मयेकर या विद्यार्थिनीनी डॉ.बाबासाहेब आंबेडकर यांच्या जीवनावर आधारित अतिशय सुंदर अशी भाषणे केली. त्यातून डॉ बाबासाहेब आंबेडकर यांच्या जीवनातील अनेक प्रसंगावर प्रकाशझोत टाकला.
यावेळी मुख्याध्यापक श्री. एम. ए. थरकार सर यांनी विद्यार्थ्यांना मार्गदर्शन करत असतांना डॉ.बाबासाहेब आंबेडकर यांच्या जीवनावर आधारित अनेक प्रसंग सांगितले. डॉ बाबासाहेब आंबेडकर जसे वाचन प्रेमी होते,शिक्षण प्रेमी होते, ग्रंथ वेडे होते. त्या जोरावरच त्यांनी उच्च ज्ञान आत्मसात केले. त्यामुळेच जगातील मोजक्या ज्ञानी लोकांमध्ये त्यांची गणना होते. म्हणून विद्यार्थ्यांनी प्रेरणा घेतली पाहिजे. असे सांगून डॉ बाबासाहेब आंबेडकर व संत गाडगेबाबा यांच्या भेटीचा एक प्रसंग तसेच डॉ बाबासाहेब आंबेडकर व राजर्षी छत्रपती शाहू महाराज यांच्या भेटीचा एक प्रसंग सांगितला.
या संपूर्ण कार्यक्रमाचे नियोजन सांस्कृतिक विभाग प्रमुख श्रीनाथ कुळे सर व इतर सहकारी शिक्षक वृंद यांनी केले होते.त्यांच्या मार्गदर्शनाखाली श्रेया गिजे,समीरा जोशी, माही मयेकर व पायल धामणस्कर या विद्यार्थिनीनी प्रास्ताविक, स्वागत,सूत्रसंचालन व आभार प्रदर्शन या जबाबदा-या यशस्वीरीत्या पार पाडल्या. त्याबद्दल मुख्याध्यापक व शिक्षक वृंद यांनी त्यांचे अभिनंदन केले.
या कार्यक्रमास जेष्ठ शिक्षक श्री. साळुंके सर,श्री.केळस्कर सर, श्री.गवळी सर,प्रा.जड्याळ सर, सौ. नाईक मॅडम, श्री पुनस्कर सर,प्रा.सावंत मॅडम, लिपिक श्री.कदम सर, श्री. अक्षय चव्हाण, श्री.प्रणय आरोलकर इत्यादी शिक्षक शिक्षकेत्तर कर्मचारी उपस्थित होते. तसेच इयत्ता 5वी ते 12 वी पर्यंतचे सर्व विद्यार्थी उपस्थित होते. शेवटी आभार मानून कार्यक्रमाची सांगता करण्यात आली.
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
