तळवली हायस्कूलच्या विद्यार्थ्यांची अंमली पदार्थ विरोध जनजागृती रॅली….
नवी मुंबई (मंगेश जाधव)
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली ता.गुहागर जि. रत्नागिरी या प्रशालेतील विद्यार्थ्यांची अंमली पदार्थ विरोधी जनजागृती रॅली काढून विविध घोषणांनी परिसर दणाणून सोडले.
दि.2 जानेवारी 2025 रोजी प्रशालेतील विद्यार्थ्यांना अंमली पदार्थांचे दुष्परिणाम काय आहेत.त्यामुळे आपले आयुष्य कसे उद्ध्वस्त होते.याविषयी जागृती व्हावी, यासाठी प्रथम प्रशालेचे मुख्याध्यापक श्री. एम. ए. थरकार सर यांनी विद्यार्थ्यांना उद्बोधीत केले. आजची पिढी नशेच्या आहारी जात आहे. त्याची सुरुवात लहान वयापासूनच होत असते. तंबाखू, विडी, शिगारेट, गुटका, मद्य, इत्यादी गोष्टी पासून विद्यार्थ्यांनी दूर राहिले पाहिजे.आपल्या कुटुंबात, वाडी वस्तीमध्ये जागृती केली पाहिजे. त्याचे दुष्परिणाम काय आहेत हे समजून घेऊन इतरांनाही सांगितले पाहिजे. असे आवाहन मुख्याध्यापक श्री. थरकार सर यांनी केले.
प्रारंभी श्री.गवळी सर यांनी प्रशालेचे मुख्याध्यापक श्री. एम. ए. थरकार सर व उपस्थित सर्व शिक्षक व विद्यार्थी यांचे स्वागत केले.त्यानंतर सर्व विद्यार्थ्यांच्या सुयोग्य रांगा करून कांही विद्यार्थ्यांच्या हातात जनजागृती विषयी लिहिलेल्या घोषणांचे पोस्टर देऊन शिस्तबद्ध रॅली काढली.
शासनाने अंमली पदार्थ विरोधी सप्ताह साजरा केला त्यानिमित्त जनजागृती साठी विविध कार्यक्रमाचे आयोजन केले होते.त्याचाच एक भाग म्हणून या रॅलीचे आयोजन केले होते.यावेळी क्रीडा शिक्षक श्री. बागल सर यांनी रॅलीमध्ये विद्यार्थ्यांनी कोणत्या घोषणा द्यायच्या, शिस्तीचे पालन कसे केले पाहिजे. या विषयी मार्गदर्शन केले. त्याप्रमाणे विद्यार्थ्यांनी अंमली पदार्थ विरोधी घोषणा देऊन तळवली परिसर दणाणून सोडले.या रॅलीचे नियोजन श्री. गवळी सर यांनी यांनी केले होते.
इयत्ता पाचवी ते दहावीचे विद्यार्थी या रॅलीमध्ये सहभागी झाले होते तसेच श्री.साळुंके सर, श्री.देवरुखकर सर,श्री.गवळी सर,श्री.बागल सर, श्री. केळस्कर सर, सौ.नाईक मॅडम, श्री.कुळे, सर,श्री.गुरसळे सर,पुनस्कर सर, कांबळे मॅडम, लिपिक श्री. कदम, श्री. अक्षय चव्हाण, श्री. प्रणय आरोलकर इ. शिक्षक-शिक्षकेत्तर कर्मचारी सहभागी होते.
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
