खदिजा इंग्लिश मिडीयम स्कूल व खातुन अब्दुल्लाह सेकंडरी स्कूल ,गोवळकोट विद्यालयात *राज्य क्रीडा दिन* उत्साहात साजरा
चिपळूण – (योगेश पेढांबकर)
महाराष्ट्रातल्या मातीतले सुपुत्र ऑलिम्पिकवीर स्व. खाशाबा जाधव, ज्यांनी १९५२च्या हेलसिंकी ऑलिम्पिकमध्ये स्वतंत्र्य भारतासाठी पहिलं पदक जिंकलं. त्यांचा जन्मदिन १५ जानेवारी हा महाराष्ट्र राज्याचा राज्य क्रीडा दिन म्हणून गोवळकोट एज्यूकेशन सोसायटी संचलित, खदीजा इंग्लिश मीडियम स्कूल व खातून अब्दुल्लाह सेकंडरी स्कूल, गोवळकोट मध्ये अतिशय उत्साहात साजरा करण्यात आला.
या कार्यक्रमांत विद्यालयाचे शिक्षक श्री.विनोद राउत यांनी कार्यक्रमाचे प्रास्ताविक करून सुरुवात केली.आशाबाई जाधव यांची जीवनगाथा विद्यार्थ्यांच्या समोर मांडण्यात आली. व अतिशय प्रतिकूल परिस्थितीतून ऑलिंपिक मध्ये पदक मिळवून देण्यापर्यंत त्यांचा प्रवास विद्यार्थ्यांच्या समोर मांडण्यात आला. राज्य क्रीडा दिनानिमित्त विद्यालयात विविध खेळांचे आयोजन करण्यात आले व *राज्य क्रीडा दिन* हा साजरा करण्यात आला.
या कार्यक्रमात राज्य क्रीडा दिनाविषयी विद्यालयातील शिक्षक श्री.योगेश पेढांबकर यांनी विद्यार्थ्यांना मार्गदर्शन केले. तर क्रीडा शिक्षक श्री.विनोद राऊत यांनी खाशाबा जाधव यांच्या क्रीडा स्पर्धेतील प्रवास जीवनपट स्लाईड शो द्वारे सादर केला. वर्षभरामध्ये विविध खेळांमध्ये उत्कृष्ट कामगिरी केलेल्या विद्यार्थ्यांचा सत्कार यानिमित्त करण्यात आला. व या कार्यक्रमाची सांगता अमृत विद्यालयाचे शिक्षक श्री.उदय मांडे यांनी सर्वांचे आभार मानून केली. या कार्यक्रमाला विद्यालयाचे मुख्याध्यापक श्री.इरफान शेख तसेच सर्व शिक्षक,शिक्षकेतर कर्मचारी हे देखील उस्फूर्तपणे सहभागी होते.
Author: Yogesh Pedhambkar
योगेश पेढांबकर - रत्नागिरी वार्ताहर, चिपळूण-संगमेश्वर, डिजीटल मिडिया प्रतिनिधी
