“स्वच्छ निवेली – सुंदर निवेली”
*ग्रुप ग्रामपंचायत निवेलीच्या वतीने कचरा पेट्या वाटप.
*ग्रुप ग्रामपंचायत निवेलीच्या वतीने कचरा पेट्या वाटप.
✍️राजू सागवेकर/राजापूर
▪️ राजापूर तालुक्यातील ग्रुप ग्रामपंचायत निवेली यांच्या माध्यमातून १५वा वित्त आयोग निधीतून गावातील ग्रामस्थांना ओला कचरा व सुका कचरा वेगळा करण्यासाठी प्रत्येकी २ कचरा पेट्यांचे (डस्टबिन) वाटप करण्यात आले.
▪️ ग्रामपंचायतीच्या या उपक्रमामुळे गावात स्वच्छता राखण्यास मदत होणार असून, ओला आणि सुका कचरा वेगवेगळा केल्याने कचऱ्याचे उचित व्यवस्थापन होणार आहे. या योजनेमुळे गाव स्वच्छ आणि प्रदूषणमुक्त राहण्यास मदत होईल.
▪️ “स्वच्छ निवेली – सुंदर निवेली” या
संकल्पनेला गती देण्यासाठी ग्रामस्थांनी उत्साहाने सहभाग घेतला.ग्रामपंचायतीच्या या उपक्रमामुळे निवेली स्वच्छ व सुंदर होण्याच्या दिशेने एक महत्त्वाचे पाऊल उचलले आहे!
▪️ या वेळी पोलीस पाटील सौ.श्रुती सागवेकर, ग्रामपंचायत सदस्या सौ.रेश्मा आंबेलकर, अंगणवाडी सेविका सौ. शर्मिला नाचणेकर तसेच ग्रामस्थ मोठ्या संख्येने उपस्थित होते.
Author: Raju Sagvekar
🔴 राजू सागवेकर 🔴 वार्ताहर (ग्रामीण ) - रत्नागिरी वार्ताहर डिजिटल बातमीपत्र ता.राजापुर - 416702
