न्यू इंग्लिश स्कूल व कनिष्ठ महाविद्यालय तळवली या प्रशालेचे ‘ वनभोजन ‘ उत्साहात पार
तळवली (मंगेश जाधव)
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली ता.गुहागर या प्रशालेतील इयत्ता 5 वी ते10 वीच्या विद्यार्थ्यांचे बुधवार दि. 5.2.2025 रोजी’ वनभोजनाचा ‘ कार्यक्रम तळवली येथील ‘A Letent Farm Stay , या निसर्ग सौंदर्याने नटलेल्या ठिकाणी उत्साहात पार पडला.*
*न्यू इंग्लिश स्कूल व कनिष्ठ महाविद्यालय तळवली या प्रशालेपासून सर्व विद्यार्थी व शिक्षक पायी चालत या ठिकांणापर्यंत गेले. जाते वेळी डावलवाडी येथील सामाजिक कार्यकर्ते व शाळा व्यवस्थापन समितीचे अध्यक्ष श्री.प्रदीप चव्हाण यांच्या सहकार्याने तेथील महिला मंडळाने सर्व विद्यार्थ्यांसाठी चवदार अशी सुकी भेळ बनवून दिली. त्या बद्दल प्रशालेच्या वतीने त्यांचे आभार मानण्यात आले. तसेच शाळा व्यवस्थापन समितीचे अध्यक्ष श्री प्रदीप चव्हाण यांना मुख्याध्यापक श्री. एम. ए. थरकार सर यांनी वाढदिवसानिमित्त प्रशालेच्या वतीने शुभेच्छाही दिल्या.*
‘ ए लेटेंट फार्म स्टे ‘ तळवली या निसर्ग सौंदर्याने नटलेल्या ठिकाणी विद्यार्थ्यांनी मनमुराद आनंद लुटला. विद्यार्थ्यांच्या सुप्त कला गुणांना वाव देण्यासाठी विविध गुणदर्शनाचा कार्यक्रमही घेण्यात आला. त्या मध्ये ग्रुप डान्स, एकांकिका,कविता वाचन, रेन डान्स इत्यादी मनोरंजनात्मक गोष्टींचा समावेश होता. या कार्यक्रमाचे ॲंकरिंग इयत्ता दहावीच्या विद्यार्थीनी कु. माही मयेकर, कु. समीरा जोशी, कु. पायल धामणस्कर यांनी केले.
विविध गुणदर्शनाच्या कार्यक्रमाचे नियोजन सांस्कृतिक विभाग प्रमुख श्री. श्रीनाथ कुळे सर यांनी केले होते.त्यांना इतर सर्व सहकारी शिक्षकांनी मदत केली. तसेच ठिकाण ,भोजन व्यवस्था व भेळ बनवण्यासाठी लागणारे साहित्य याचे नियोजन श्री. केळस्कर सर, श्री. देवरुखकर सर व श्री. गवळी सर यांनी केले होते. त्यांना इतर सर्व शिक्षक व शिक्षकेत्तर कर्मचारी यांचे सहकार्य लाभले.
श्री.गुरुनाथ कारेकर शेठ यांनी बनवलेल्या शुद्ध शाकाहारी जेवणाचा मनमुराद आस्वाद सर्व विद्यार्थी, शिक्षक व शिक्षकेत्तर कर्मचारी यांनी घेतला.त्याबद्दल श्री. गुरुनाथ कारेकर शेठ यांचे प्रशालेच्या वतीने पुष्पगुच्छ देऊन आभार मानण्यात आले. ए लेटेंट फार्म स्टे चे मालक सौ. कोवळे मॅडम, श्री. कोवळे शेठ व श्री. देवेश कोवळे यांचेही पुष्पगुच्छ देऊन आभार मानण्यात आले.
वनभोजन हा कार्यक्रम आनंदात, उत्साहात पार पाडण्यासाठी जेष्ठ शिक्षक श्री. साळुंके सर, सौ नाईक मॅडम, श्री गुरसळे सर, श्री. गवळी सर, श्री. केळस्कर सर, श्री. देवरुखकर सर, श्री. कुळे सर, श्री. पुनस्कर सर, सौ. कांबळे मॅडम तसेच उच्च माध्यमिक विभागाचे प्रा. अमोल जड्याळ सर,प्रा आयरे मॅडम, प्रा जड्याळ मॅडम, प्रा. सावंत मॅडम व शिक्षकेत्तर कर्मचारी लिपीक श्री. कदम सर, श्री. अक्षय चव्हाण, श्री.प्रणय आरोलकर यांनी मेहनत घेतली. त्यामुळेच हा कार्यक्रम यशस्वीपणे पार पडला. त्या बद्दल प्रशालेचे मुख्याध्यापक श्री एम ए थरकार सर यांनी सर्वांचे आभार मानले.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
