गुहागर ; पाटपन्हाळे महाविद्यालयात जागतिक महिला दिन उत्साहात साजरा
तळवली (मंगेश जाधव)
गुहागर तालुक्यातील पाटपन्हाळे एज्युकेशन सोसायटीच्या पाटपन्हाळे कला,वाणिज्य व विज्ञान महाविदयालयात प्राचार्य डॉ. पी.ए.देसाई यांच्या अध्यक्षतेखाली व अँडव्होकेट सुशील अवेरे यांच्या प्रमुख उपस्थितीत जागतिक महिला दिन उत्साहात संपन्न झाला.
हा कार्यक्रम महाविद्यालयातील आय.क्यू.ए.सी. अंतर्गत महिला विकास कक्षाच्या वतीने आयोजित करण्यात आला होता. यावेळी प्राचार्य डॉ. पी.ए.देसाई यांच्या हस्ते गुलाबपुष्प देवून मान्यवरांचे स्वागत करण्यात आले. कार्यक्रमाचे प्रास्ताविक महिला विकास कक्षाच्या सदस्या प्रा. कांचन कदम यांनी केले. यावेळी प्राचार्य डॉ..देसाई यांनी आपल्या मनोगतातून राजकारणातील महिलांचा सहभाग याविषयी माहिती दिली व महिला दिनाच्या हार्दिक शुभेच्छा दिल्या.
प्रमुख मान्यवर अँडव्होकेट सुशील अवेरे यांनी ‘pocso’ कायद्याच्या अंतर्गत येणाऱ्या विशेष तरतुदींबाबत, बालकांवरील अत्याचार व बालगुन्हेगारीबद्दल विशेष माहिती दिली. त्याचप्रमाणे महिलांवरील हिंसाचार व त्याबद्दलचे कायदे आणि तरतुदी याबद्दल विविध प्रकारचे सामाजिक दाखले दिले.
या कार्यक्रमास डॉ. प्रसाद भागवत, डॉ.जालिंदर जाधव, विद्यार्थी प्रतिनिधी राज धोपट व महाविद्यालयातील विद्यार्थी मोठ्या संख्येने उपस्थित होते.या कार्यक्रमाचे सूत्रसंचालन महिला विकास कक्षाच्या समन्वयिका प्रा. सौम्या चौघुले यांनी केले तर उपस्थित मान्यवरांचे आभार प्रा. चैत्राली झिंबर यांनी मानले.
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
