मिठगवाणे येथे सिध्दी पेट्रोल पंपावर CNG गॅस सुविधेचे भव्य उद्घाटन!
जैतापूर परिसरातील वाहनधारकांसाठी दिलासा; दिवाकर आडविरकर यांच्या हस्ते उद्घाटन, मान्यवरांची उपस्थिती.
बातमी… राजु सागवेकर
राजापूर तालुक्यातील मिठगवाणे येथील सिध्दी पेट्रोल पंपावर CNG गॅस सुविधेचे भव्य उद्घाटन महानगर गॅस निगम लिमिटेड यांच्या सहकार्याने संपन्न झाले. जैतापूरचे ज्येष्ठ सामाजिक कार्यकर्ते श्री. दिवाकर आडविरकर यांच्या हस्ते या सुविधेचे उद्घाटन करण्यात आले.
या प्रसंगी सौ. व श्री. राजेश मेळेकर (प्रथितयश युवा उद्योजक), त्यांच्या मातोश्री श्रीमती साधना मेळेकर, नाटे येथील सामाजिक कार्यकर्ते श्री. कोठारकर, माजी सरपंच सौ. रेखा राजन कोंडेकर, श्री. राजन कोंडेकर, महानगर गॅस निगमचे रत्नागिरी-सिंधुदुर्ग विभाग प्रमुख श्री. रोहन बावडेकर, सुरक्षा अधिकारी श्री. अमित कुमार, कुवेशीचे युवा व्यापारी श्री. वैभव कुवेसकर, चिरेखणचे व्यावसायिक श्री. प्रदीप पारकर, नाटे येथील नयारा पेट्रोल पंपचे मालक श्री. जलाराम, पत्रकार राजू सागवेकर यांच्यासह असंख्य वाहनधारक उपस्थित होते.
कार्यक्रमात श्री. अमित कुमार यांनी CNG वापरताना घ्यावयाच्या सुरक्षिततेच्या उपाययोजना सांगितल्या. तर श्री. बावडेकर यांनी वाहनांमध्ये गॅस भरण्यापूर्वी नंबर प्लेट तपासणे, सर्व प्रवासी खाली उतरले आहेत की नाही, याची खात्री करणे यांसारख्या महत्वाच्या सूचना दिल्या.
श्री. दिवाकर आडविरकर यांनी श्री. मेळेकर यांच्या उपक्रमाचे कौतुक करत CNG सोयीमुळे जैतापूर दशक्रोशीतील वाहनधारकांना दिलासा मिळेल, असे मत व्यक्त केले. श्री. राजेश मेळेकर यांनी सर्व मान्यवरांचे पुष्पगुच्छ देऊन स्वागत करत उपस्थितांचे आभार मानले.
उद्घाटनाच्या दिवशी वाहनधारकांची लांबच लांब रांग लागल्याचे चित्र दिसून आले.
हॅशटॅग्स:
#CNGउद्घाटन #सिध्दीपेट्रोलपंप #मिठगवाणे #जैतापूर #राजापूरबातमी #स्थानिकघटना #उद्योजकमेळेकर
फोट
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
