“नाराज होतो, भाजपमध्ये जाऊ शकलो असतो” – छगन भुजबळांचा धक्कादायक गौप्यस्फोट!
मंत्रिपद न मिळाल्याने नाराज होतो, भाजपसह इतर पक्षांकडूनही ऑफर आल्या होत्या; मुख्यमंत्र्यांच्या आग्रहामुळे पुन्हा मंत्रिमंडळात प्रवेश – भुजबळांची स्पष्ट कबुली
बातमी
मुंबई : राष्ट्रवादी काँग्रेसचे जेष्ठ नेते आणि मंत्री छगन भुजबळ यांनी नुकत्याच दिलेल्या एका मुलाखतीत राजकीय वर्तुळात खळबळ उडवणारे गौप्यस्फोट केले आहेत. राज्यात महायुतीचे सरकार आल्यानंतर झालेल्या पहिल्या मंत्रिमंडळ विस्तारात त्यांना डावलण्यात आले होते. त्यामुळे आपण नाराज झालो होतो आणि भाजपमध्ये जाण्याचा विचारही केला होता, अशी स्पष्ट कबुली त्यांनी दिली आहे.
मंत्रीपद मिळाले नाही तेव्हा मी निराश झालो होतो. भाजपमध्ये प्रवेश करणार असल्याच्या चर्चांमध्ये तथ्य होते, असंही त्यांनी मान्य केलं. एवढंच नव्हे तर, भाजपसह इतर पक्षांकडूनही त्यांना ऑफर आल्या होत्या, अशी माहिती त्यांनी दिली. त्याचबरोबर मुख्यमंत्री देवेंद्र फडणवीस यांचा मंत्रीपदासाठी खास आग्रह होता, असंही भुजबळ यांनी सांगितलं.
धनंजय मुंडे यांच्या राजीनाम्यानंतर भुजबळ यांना पुन्हा मंत्रिमंडळात संधी मिळाली. त्यानंतर त्यांच्या मतदार संघात मोठ्या जल्लोषात त्यांचे स्वागत झाले. अजित पवारांनी नाशिकमधून माणिकराव कोकाटेंना मंत्रिपद दिल्याने आपल्याला डावलले गेले, असं भुजबळ यांनी सूचित केलं. मात्र अखेर त्यांच्या वाट्याला मंत्रिपद आले आणि आता ते समाधानी असल्याचे त्यांनी स्पष्ट केले.
हॅशटॅग्स:
#छगनभुजबळ #भाजपप्रवेशाचीचर्चा #मंत्रीमंडळविस्तार #धनंजयमुंडे #राजकीयगौप्यस्फोट #NCPNews #MaharashtraPolitics #RatnagiriVartahar
फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
