🔘🔘 सरकारला गंडा? महसूल खात्याने शिरसाट यांच्या मुलाला दोनशे कोटींचं वेदांत हॉटेल फक्त 64 कोटींना विकलं!
🔸 अंबादास दानवे आक्रमक, संजय राऊतांचा घणाघात; उच्चस्तरीय चौकशीची मागणी
छत्रपती संभाजीनगर: राज्यात महायुती सरकार असताना त्याच सरकारच्या मंत्र्यांनीच शासकीय तिजोरीत खडखडाट करण्याचा सपाटा लावल्याचा गंभीर आरोप विरोधकांकडून होत आहे. छत्रपती संभाजीनगर येथील जवळपास 200 कोटींचं वेदांत हॉटेल महसूल विभागाने केवळ 64 कोटी 82 लाख रुपयांना सामाजिक न्याय मंत्री संजय शिरसाट यांच्या मुलाला विकल्याची माहिती समोर आली आहे.
वेदांत हॉटेल रेल्वे स्थानक मार्गावर अतिमहत्त्वाच्या ठिकाणी असून, त्याचा आणि शेजारच्या भूखंडाचा लिलाव महसूल विभागाने ऑनलाइन पद्धतीने केला. लिलावात ‘सिद्धांत मटेरियल प्रोक्युअरमेंट अँड सप्लाय’ या कंपनीने हॉटेलसाठी 47.56 कोटी आणि लॉनसाठी 17.82 कोटी रुपयांची बोली लावली. ही कंपनी शिरसाट यांचा मुलगा सिद्धांत यांच्या मालकीची असल्याचं स्पष्ट झालं आहे.
सदर मालमत्ता धनदा कॉर्पोरेशनकडून जप्त करण्यात आली होती, जी सर्वोच्च न्यायालयाच्या निर्देशानुसार विक्रीस काढण्यात आली. सातव्यांदा लिलाव होत असतानाच ही बोली मंजूर करण्यात आली आणि हॉटेल शिरसाट यांच्याकडे गेलं.
संजय राऊत यांचा हल्लाबोल:
“शिरसाटांच्या मुलाकडे इतका पैसा आला कुठून? टेंडरिंगमधून, दलालीमधून की ५० खोक्यांमधून?” असा संतप्त सवाल करत शिवसेना (उद्धव बाळासाहेब ठाकरे) पक्षाचे नेते संजय राऊत यांनी भाजप आणि शिंदे गटावर ताशेरे ओढले. “शहांनी आणि फडणवीसांनी महाराष्ट्र लुटीचा परवाना दिलाय का?” असा टोलाही त्यांनी लगावला.
दानवे यांची चौकशीची मागणी:
विधान परिषदेतील विरोधी पक्षनेते अंबादास दानवे यांनी या लिलावाची उच्चस्तरीय चौकशी व्हावी, दोषी अधिकाऱ्यांवर कारवाई व्हावी आणि अंतिम हस्तांतरण होण्यापूर्वी सर्व माहिती सर्वोच्च न्यायालयात सादर करावी, अशी मागणी उपमुख्यमंत्री देवेंद्र फडणवीस यांना पत्राद्वारे केली आहे.
—
#वेदांतहॉटेल #संजयशिरसाट #महसूलविभाग #भ्रष्टाचार #संजयराऊत #अंबादासदानवे #महाराष्ट्रराजकारण #मिंधेगट #मंत्र्यांचाघोटाळा #RatnagiriVartahar
📸 फोटो
Author: Team Ratnagiri Vartahar
Official Ratnagiri vartahar Media creators
