???? संपर्क युनिक फाउंडेशनच्या ग्रामीण समितीच्या अध्यक्षपदी नंदकुमार बेंद्रे यांची निवड!
???? भाई जठार उपाध्यक्ष तर अनेक नामवंत कार्यकर्त्यांचा सहभाग
रत्नागिरी – निवळी
रत्नागिरी जिल्ह्यात गेली सात वर्षे सातत्याने सामाजिक कार्य करत असलेल्या संपर्क युनिक फाउंडेशन या संस्थेच्या वार्षिक सर्वसाधारण सभेत ग्रामीण भागासाठी विशेष समिती गठित करण्यात आली. या समितीच्या अध्यक्षपदी नंदकुमार बेंद्रे यांची एकमताने निवड करण्यात आली आहे. बेंद्रे हे गेल्या अनेक वर्षांपासून ग्रामीण भागातील गरजूंसाठी कार्यरत असून, अडचणीच्या वेळी मदतीसाठी तत्पर राहणाऱ्या व्यक्ती म्हणून त्यांची ओळख आहे.
निवळी येथील भाई जठार यांची उपाध्यक्षपदी नियुक्ती झाली आहे. सामाजिक कार्यात सक्रीय असलेले संजय शितप, सुजीत दुर्गवली, संतोष चौघुले, अरुण मोर्ये, किरण बैकर, संतोष चव्हाण, नामदेव चौघुले, सुधाकर महाकाळ आणि विनायक किंजळे या कार्यकर्त्यांचा देखील समितीत समावेश करण्यात आला आहे.
या निवडीनंतर फाउंडेशनचे अध्यक्ष शकील गवाणकर, उपाध्यक्ष कांचन मालगुंडकर, सल्लागार सुहेल मुकादम, सचिव युसुफ शिरगावकर, खजिनदार सयीद मुल्ला, जिल्हाध्यक्ष जमीर खलफे आणि सर्व सभासदांनी सर्व नविन सदस्यांचे अभिनंदन करून पुढील कार्यासाठी शुभेच्छा दिल्या.
—
???? हॅशटॅग्स:
#संपर्कयुनिकफाउंडेशन #नंदकुमारबेंद्रे #भाईजठार #सामाजिककार्य #रत्नागिरी #ग्रामीणविकास #समितीनिवड
—
???? फोटो
Author: Sujit Surve.
⭕ पत्रकार - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
