यादव सहाय्यक समिती, गोवेले विभाग – मुंबई शाखा व
श्रीकृष्ण आरोग्य कक्ष आयोजित भव्य रक्तदान शिबीर उत्साहात संपन्न
मुंबई – संदीप शेमणकर
यादव सहाय्यक समिती, गोवेले विभाग – मुंबई शाखा अंतर्गत श्रीकृष्ण आरोग्य कक्षाच्या वतीने प्रथमच आयोजित करण्यात आलेले रक्तदान शिबीर आज गोरेगाव येथील मीनाताई ठाकरे रक्तपेढी येथे मोठ्या उत्साहात पार पडले.या शिबिराला समाजातील नागरिकांनी दिलेल्या उस्फूर्त प्रतिसादामुळे १०० रक्ताच्या बाटल्यांचे संकलन करण्यात यश आले.
रक्तदात्यांचे योगदान आणि स्वयंसेवकांचे समर्पण यामुळे हा उपक्रम सामाजिक ऐक्याचे प्रतिक ठरला.
शिबिराची सुरुवात समीर देसाई यांच्या शुभहस्ते दीपप्रज्वलनाने झाली.
या वेळी मीनाताई ठाकरे रक्तपेढीचे संचालक रमेश एसवळकर यांच्याकडून शिबिरास आवश्यक ते वैद्यकीय व तांत्रिक सहकार्य मिळाले.
कार्यक्रमास सुभाष देसाई (माजी मंत्री), स्वप्निल टेंबवलकर (माजी नगरसेवक),
सिताराम मेस्त्री, शांताराम गायकर, संदीप जाधव, अरुण गवळी आणि मंगेश पवार या अनेक मान्यवरांची उपस्थिती लाभली.
शिबिराच्या यशस्वीतेसाठी पाष्टी गावचे समाजसेवक मा. श्री. किसन दिवेकर आणि समर्थ नगरचे सदस्य श्री. आवेज बाटे यांचे विशेष सहकार्य लाभले.
शिबिरात सहभागी होणाऱ्या सर्व रक्तदात्यांसाठी आयोजकांकडून नाश्त्याची (पोहे) विशेष व्यवस्था करण्यात आली होती.
“सन्मान समाजाचा – संकल्प रक्तदानाचा” या भावनेतून प्रेरित होऊन समाजातील विविध स्तरातून आलेल्या योगदानामुळे शिबिर यशस्वी ठरले.
श्रीकृष्ण आरोग्य कक्ष आणि यादव सहाय्यक समिती यांच्या वतीने सर्व रक्तदाते, स्वयंसेवक व उपस्थित मान्यवरांचे मनःपूर्वक आभार व्यक्त करण्यात आले.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
