श्री. गणेश प्रवीण इंगळे यांची अप्पर पोलीस अधीक्षकपदी बढती: अंमलीपदार्थ विरोधी लढ्यात नवे पर्व!
Pune Police gets a dynamic leader to combat drug menace
श्री. गणेश प्रवीण इंगळे यांना नुकतीच अप्पर पोलीस अधीक्षक, अंमलीपदार्थ विरोध टास्क फोर्स, पुणे या महत्त्वाच्या पदावर बढती मिळाली आहे. त्यांची ही बढती त्यांच्या कार्यतत्परता आणि सेवेप्रती असलेल्या निष्ठेची पोचपावती आहे.
नंदकुमार बागडेपाटील (अहिल्यानगर) यांच्या बातमीनुसार,
श्री. इंगळे यांनी यापूर्वीच संपूर्ण महाराष्ट्रात एक कार्यक्षम पोलीस अधिकारी म्हणून आपली ओळख निर्माण केली आहे. विशेषतः, गडचिरोली जिल्ह्यातील नक्षलग्रस्त भागात त्यांनी केलेल्या उल्लेखनीय कामाबद्दल त्यांचे खूप कौतुक झाले आहे. त्यांच्या या कार्याची दखल घेऊन त्यांना महाराष्ट्र राज्य पोलीस महासंचालक पदक आणि पोलीस विशेष सेवा पदक देऊन सन्मानित करण्यात आले आहे.
श्री. इंगळे यांचा जीवनप्रवास अत्यंत प्रेरणादायी आहे. वनकुटे (ता. पारनेर) येथील जिल्हा परिषद प्राथमिक शाळेत त्यांनी आपले प्राथमिक शिक्षण पूर्ण केले. त्यानंतर, पिंपळगाव कौडा येथील श्री कौडेश्वर विद्यालयात माध्यमिक शिक्षण घेऊन, त्यांनी पुणे जिल्ह्यातील माळेगाव खुर्द येथील जिल्हा परिषद प्राथमिक शाळेत शिक्षक म्हणून ज्ञानदानाचे कार्य केले. याच काळात त्यांनी स्पर्धा परीक्षांची तयारी सुरू केली आणि महाराष्ट्र लोकसेवा आयोगामार्फत (MPSC) त्यांची नायब तहसीलदार पदी निवड झाली. पुढे, ते पोलीस उपविभागीय अधिकारी म्हणूनही निवडले गेले.
सध्या ते पोलिस सहायक आयुक्त, गुन्हे शाखा, पुणे या पदावर कार्यरत आहेत. नुकतेच त्यांना तत्कालीन मुख्यमंत्री देवेंद्र फडणवीस यांच्या हस्ते उत्कृष्ट पोलीस अधिकारी पुरस्काराने सन्मानित करण्यात आले होते.
आजच्या काळात युवा पिढी अंमली पदार्थांच्या विळख्यात अडकत असताना, श्री. इंगळे यांच्या नेतृत्वाखाली पुणे अंमलीपदार्थ विरोध टास्क फोर्स निश्चितच कठोर पाऊले उचलून या गंभीर समस्येला आळा घालण्याचे काम करेल अशी सर्वसामान्य नागरिकांना अपेक्षा आहे. त्यांच्या या नवीन भूमिकेतून ते समाजासाठी आणखी मोठे योगदान देतील अशी आशा आहे.
#गणेशइंगळे #GaneshIngle #AdditionalSP #PunePolice #AntiNarcotics #अप्परपोलीसअधीक्षक #पुणेपोलीस #अंमलीपदार्थविरोधी #MaharashtraPolice #गटशिलेदार #InspiringJourney #नक्ष
लविरोधी
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
