जि.प. सरकारी मत्स्यशाळा नवापूर
केंद्र नांदगाव तर्फे आषाढी एकादशी उत्साहात साजरी
पालघर – संदीप शेमणकर
शालेय अध्यापनाला सण उत्सवांची जोड आणि आनंददायी शनिवार या नावीन्यपूर्ण उपक्रमांतर्गत जिल्हा परिषद सरकारी मत्स्यशाळा नवापूर, येथे आषाढी एकादशी या सणाच्या निमित्ताने वारी सोहळ्याचे मोठ्या उत्साहात आयोजन करण्यात आले. रंगबिरंगी पोशाखातील बालगोपाळांच्या किलबिलाटाने आणि टाळ ,मृदुंगाच्या गजराने नवापूर गावात ज्ञान पंढरी दुमदुमली होती .
विठ्ठल रखुमाईच्या प्रतिमेचे मनोभावे पूजन करण्यात आले. वारकरी पालखी सोहळ्यासोबत ,वृक्षदिंडी(एक पेड माँ के नाम), ग्रंथदिंडी , पारंपारिक नृत्य लेझीम , फुगडी खेळाचा मनमुराद आनंद सर्व विद्यार्थी ,शाळा व्यवस्थापन समितीचे सदस्य आणि शिक्षकांनी घेतला .गावात दिंडी निघाली त्यात परिसरातील जनता हायस्कूल,मिरॅकल इंग्लिश मिडीयम स्कूल यांचा ही सहभाग होता.सरतेशेवटी गावातील राम मंदिरात पालखीसह सर्वांनी दर्शनाचा लाभ घेतला . अशा पावित्र्य व मांगल्याचा निमित्ताने व पारंपारिक सण उत्सवातून विद्यार्थ्यांच्या ज्ञानामध्ये वाढ करणे ,आपल्या संस्कृतीचा परिचय करून देणे . आनंददायी व मनोरंजक पद्धतीने अध्ययन अध्यापन करणे.भाषिक क्षमता वृद्धिंगत करणे . विद्यार्थ्यांची आणि शाळेतील सर्व शिक्षकांनी या उपक्रमाचे आयोजन केले होते .ही शिक्षणाची वारी चालणे आमचे कर्मयोग आहे . हा भाव जपत . विद्यार्थ्यांना ही “पाऊले चालती ,शिक्षणाची वारी ” यांचे महत्व सहशिक्षिका शितल संखे यांनी पटवून दिले.आषाढी एकादशीच्या वारी सोहळ्याच्या आयोजनाबद्दल शाळा व्यवस्थापन समिती आणि ग्रामस्थ यांनी शाळेतील सर्व शिक्षकांचे कौतुक केले.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
