मनसे संपर्क अध्यक्ष प्रमोद गांधींच्या हस्ते तवसाळ शाळेत शैक्षणिक साहित्य वाटप
गुरुपौर्णिमेचे औचित्य साधत जिल्हा परिषद शाळांमध्ये वह्या वाटप कार्यक्रम संपन्न
तवसाळ, गुहागर -: गुरुपौर्णिमेचे पवित्र औचित्य साधून, महाराष्ट्र नवनिर्माण सेनेचे गुहागर विधानसभा संपर्क अध्यक्ष श्री. प्रमोदजी गांधी साहेब यांच्या वतीने दिनांक १० जुलै २०२५ रोजी तवसाळ येथील जिल्हा परिषद प्राथमिक शाळा, बाबरवाडी आणि आदर्श शाळा, तांबडवाडी येथे शैक्षणिक साहित्य वाटप कार्यक्रमाचे आयोजन करण्यात आले होते. विद्यार्थ्यांच्या उज्ज्वल भवितव्यासाठी मनसेकडून करण्यात आलेल्या या प्रयत्नाचे सर्वत्र कौतुक होत आहे.
महाराष्ट्र सैनिक श्री. दीपक जोशी व श्री. सचिन कुळये यांनी या कार्यक्रमाचे नियोजन केले होते. कु. संदीप जोशी साहेब यांच्या पुढाकाराने दोन्ही शाळांमधील विद्यार्थ्यांना वह्या वाटप करण्यात आल्या. यावेळी तवसाळ तांबडवाडी आणि बाबरवाडी येथून श्री. शंकरजी येद्रे साहेब, श्री. दीपक कृष्णा येद्रे, श्री. रमेश कुरटे साहेब, श्री. शंकर हुमणे साहेब, श्री. अनंत गोपाळ येद्रे, श्री. विलास रामचंद्र येद्रे, सौ. दीक्षा दिलीप येद्रे, सौ. निरजा नरेश येद्रे, सौ. संचिका संजय येद्रे यांसह अनेक मान्यवर उपस्थित होते.
कार्यक्रमासाठी मनसेचे वरिष्ठ पदाधिकारीही उपस्थित होते, यात मनसे रत्नागिरी उप जिल्हाध्यक्ष श्री. विनोदजी जानवलकर साहेब, मनसे तालुका अध्यक्ष, गुहागर श्री. सुनीलजी हळदणकर साहेब, आणि गुहागर उपसचिव प्रशांतजी साठले साहेब यांचा प्रमुख अतिथी म्हणून सहभाग होता.
उपस्थित सर्व ग्रामस्थ आणि महिला मंडळाचे हार्दिक स्वागत करून कार्यक्रमाची सुरुवात झाली. ग्रामस्थांच्या हस्ते विद्यार्थ्यांना शैक्षणिक साहित्याचे वाटप करून हा स्तुत्य उपक्रम संपन्न झाला. दोन्ही शाळांच्या शिक्षकवृंदांनी मनसेच्या या कार्याचे अभिनंदन केले.
#मनसे #शिक्षण #शैक्षणिकसाहित्यवाटप #गुरुपौर्णिमा #प्रमोदगांधी #तवसाळ #रत्नागिरी #मनसेगुहागर #MNS #Education #SchoolSupplies #GuruPurnima #Ratnagiri #MaharashtraPolitics #Community
Service
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
