गटविकास अधिकारी शेखर भिलारे यांच्या कार्यतत्परतेमुळे पोषण आहाराच्या पाकिटांची चौकशी सुरू!
गुहागर (संदेश कदम): शासनाच्या पोषण आहार योजनेतील खिचडीची पाकिटे गुहागर तालुक्यातील जानवळे फाट्याजवळ कचऱ्यात टाकल्याचा धक्कादायक प्रकार समोर आला आहे. या घटनेची माहिती मिळताच महाराष्ट्र नवनिर्माण सेनेचे (मनसे) जिल्हा उपाध्यक्ष विनोद जानवळकर यांनी तीव्र आक्षेप घेतला होता. त्यांनी प्रसारमाध्यमे आणि सोशल मीडियावर हा मुद्दा उचलून धरत, मुदत संपलेली नसतानाही पोषण आहाराची पाकिटे कचऱ्यात फेकल्याने ही पाकिटे शाळांची आहेत की अंगणवाडीची, असा गंभीर प्रश्न उपस्थित केला. या प्रकरणाची तात्काळ चौकशी करण्याची मागणी त्यांनी केली होती आणि प्रशासनाने दखल न घेतल्यास मनसे तीव्र आंदोलन करेल, असा इशाराही दिला होता.
या इशाऱ्यानंतर गुहागर तालुक्याचे कार्यतत्पर गटविकास अधिकारी (BDO) शेखर भिलारे यांनी तातडीने दखल घेतली. गटविकास अधिकारी भिलारे यांनी मनसेचे जिल्हा उपाध्यक्ष विनोद जानवळकर, अंगणवाडी सेविका, आशा स्वयंसेविका आणि स्थानिक ग्रामस्थ यांच्यासोबत घटनास्थळी धाव घेतली. त्यांनी कचऱ्यात टाकलेली पोषण आहाराची खिचडीची पाकिटे पंचनामा करून ताब्यात घेतली आहेत. तसेच, या प्रकरणाची तात्काळ सखोल चौकशी करण्याचे आदेशही त्यांनी दिले आहेत. गटविकास अधिकारी शेखर भिलारे यांच्या या कार्यतत्परतेबद्दल मनसेचे जिल्हा उपाध्यक्ष विनोद जानवळकर यांनी त्यांचे आभार मानले आहेत.
Title: BDO Takes Swift Action: Inquiry Ordered into Discarded Anganwadi Nutrition Packets
|
Subtitle: MNS Leader Vinod Janwalkar Applauds BDO’s Prompt Response in Guhagar Incident | मनसे जिल्हा उपाध्यक्ष विनोद जानवळकर यांच्या मागणीनंतर गुहागरमध्ये कचऱ्यातील पोषण आहाराच्या पाकिटांची चौकशी सुरू
Hashtags
#पोषणआहार #कचरा #गुहागर #शेखरभिलारे #गटविकासअधिकारी #विनोदजानवळकर #मनसे #चौकशी #महाराष्ट्र #Anganwadi #NutritionScheme #WasteDisposal #Guhagar #BDO #MNS #Inquiry #Maharashtra #
Scandal
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
