चिपळूणची स्वच्छतेत गरुडझेप: राज्यात १४ वे, कोकणात अव्वल!
Cleanliness Champion Chiplun: Maharashtra Rank 14, Konkan’s No.1 in Swachh Survekshan 2024!
चिपळूण (Chiplun): केंद्र सरकारच्या ‘स्वच्छ भारत अभियान’ अंतर्गत नुकत्याच जाहीर झालेल्या ‘स्वच्छ सर्वेक्षण २०२४’ मध्ये चिपळूण नगर परिषदेने (Chiplun Nagar Parishad) चमकदार कामगिरी केली आहे. या महत्त्वपूर्ण सर्वेक्षणात चिपळूणने महाराष्ट्रात १४ वे स्थान पटकावले असून, कोकण विभागात (Konkan Region) अव्वल क्रमांक मिळवून आपली स्वच्छता सिद्ध केली आहे.
देशभरातील ४५८९ नगर पंचायती, नगर परिषद आणि महापालिका संस्थांनी भाग घेतलेल्या या सर्वेक्षणात, ५० हजार ते ३ लाख लोकसंख्या असलेल्या शहरांच्या गटात चिपळूणने (Chiplun) देशात ८७ वे मानांकन मिळवले आहे. हे यश चिपळूणच्या स्वच्छतेप्रती असलेल्या बांधिलकीचे द्योतक आहे.
सातत्यपूर्ण प्रयत्नांचे फळ (Fruits of Consistent Efforts)
चिपळूण नगर परिषदेने शहरात दररोज निर्माण होणाऱ्या कचऱ्याचे १०० टक्के संकलन, ओला-सुका (Wet-Dry Waste) आणि घरगुती घातक कचऱ्याचे वर्गीकरण (Waste Segregation), त्यावर प्रक्रिया (Waste Processing), मैला संकलन व त्याचे शास्त्रोक्त व्यवस्थापन (Faecal Sludge Management), सार्वजनिक व सामुदायिक शौचालयांची नियमित स्वच्छता (Public Toilet Cleanliness) तसेच शहर सफाईसाठी सातत्यपूर्ण कार्य केले आहे. याशिवाय, नागरिकांमध्ये स्वच्छतेबाबत जनजागृती करण्यासाठी विविध उपक्रम प्रभावीपणे राबवण्यात आले.
केंद्र शासनाने नियुक्त केलेल्या त्रयस्त संस्थेमार्फत (Third-Party Agency) शहराचा आढावा घेण्यात आला, ज्यात प्रत्यक्ष पाहणी आणि नागरिकांकडून मिळालेल्या सकारात्मक प्रतिक्रियांचा समावेश होता. या मूल्यांकनाच्या आधारे चिपळूण शहरास ‘कचरा मुक्त शहर’ (Garbage Free City) मध्ये एक स्टार मानांकन, तसेच ‘हागणदारी मुक्त शहर’ (ODF++) असे दुहेरी गौरव प्राप्त झाले आहेत.
नेतृत्व आणि सामूहिक प्रयत्नांचे यश (Success of Leadership & Collective Efforts)
या यशामागे चिपळूण नगर परिषदेचे प्रशासक तथा मुख्याधिकारी श्री. विशाल भोसले (Shri. Vishal Bhosale) यांचे प्रभावी नेतृत्व लाभले आहे. त्यांच्यासह प्रशासकीय अधिकारी श्री. मंगेश पेढांबकर, कार्यालय अधीक्षक श्री. रोहित खाडे, आरोग्य विभाग प्रमुख श्री. वैभव निवाते, आरोग्य निरीक्षक श्री. सुजित जाधव, शहर समन्वयक श्रीमती पूजा शिंत्रे, आरोग्य विभागातील कर्मचारी, मुकादम, सर्व स्वच्छतादूत (Sanitation Ambassadors) आणि घनकचरा व्यवस्थापन प्रकल्पातील सर्व कर्मचाऱ्यांचे (Solid Waste Management Staff) योगदान मोलाचे ठरले आहे. याबद्दल त्यांचे विशेष कौतुक करण्यात येत आहे.
मुख्याधिकारी विशाल भोसले यांनी सांगितले, “हे यश संपूर्ण चिपळूण शहराचे आहे. आगामी सर्वेक्षणामध्ये आणखी उच्च मानांकन मिळवण्यासाठी आम्ही विविध स्वच्छता मोहिमा, नागरिक सहभाग वाढवणे, आणि घनकचरा व्यवस्थापनामध्ये नाविन्यपूर्ण उपक्रम राबवणार आहोत. चिपळूणकरांची सहकार्यभावना, नगर परिषद कर्मचाऱ्यांची तळमळ, आणि स्वच्छतेविषयीची सजगता यामुळेच हे यश शक्य झाले असून, स्वच्छतेच्या दिशेने चिपळूणचा प्रवास प्रेरणादायी ठरत आहे.”
#SwachhSurvekshan2024 #Chiplun #CleanChiplun #Konkan #Maharashtra #SwachhBharatAbhiyan #चिपळूण #स्वच्छसर्वेक्षण२०२४ #स्वच्छचिपळूण #कोकण #महाराष्ट्र #CleanCity #ODF++ #WasteManagemen
t #नगरपरिषद
Author: RV. Reporters
Guhagar Office .. * Ratnagiri vartahar Digital News * ..
