आबलोलीत ‘छत्रपती शिवाजी महाराज महाराजस्व समाधान शिबिर अभियान’ उत्साहात संपन्न!

👇बातम्या ऐकण्यासाठी येथे क्लिक करा

आबलोलीत ‘छत्रपती शिवाजी महाराज महाराजस्व समाधान शिबिर अभियान’ उत्साहात संपन्न!

गुहागर (संदेश कदम, आबलोली)

गुहागर तालुक्यातील आबलोली येथील खालील पागडेवाडी येथील सभागृहात नुकतेच ‘छत्रपती शिवाजी महाराज महसूल समाधान शिबिर अभियान’ उत्साहात पार पडले. महसूल विभाग तहसीलदार कार्यालय गुहागर मंडळ स्तरावर आयोजित या शिबिराला आबलोली पंचक्रोशीतील २५ गावांचे सरपंच, पोलीस पाटील आणि मोठ्या संख्येने शेतकरी बांधव उपस्थित होते.

कार्यक्रमाची सुरुवात मान्यवरांच्या हस्ते छत्रपती शिवाजी महाराजांच्या पुतळ्याचे पूजन, दीपप्रज्वलन आणि पुष्पहार अर्पण करून झाली. त्यानंतर आबलोलीचे ग्राम महसूल अधिकारी व्ही. व्ही. जोशी यांनी कार्यक्रमाचे सूत्रसंचालन केले आणि महसुलाबाबत महत्त्वाची माहिती दिली. कुडलीचे ग्राम महसूल अधिकारी एस. एस. पिटले यांनी ॲग्रीस्टॅक योजनेची माहिती दिली, तर शिवणे येथील ग्राम महसूल अधिकारी एस. पी. जाधव यांनी ई-पीक पाहणीबद्दल मार्गदर्शन केले. भातगाव येथील ग्राम महसूल अधिकारी ए. बी. बरकडे यांनी सलोखा योजनेची माहिती दिली. या शिबिरात मान्यवरांच्या हस्ते उत्पन्न दाखले, नॉन-क्रिमिलेअर दाखले, वय आणि अधिवास दाखले, ७/१२, ८ अ, फेरफार आणि डिजिटल हयात दाखले यांचे वितरण करण्यात आले.

यावेळी व्यासपीठावर आबलोली गावच्या सरपंच सौ. वैष्णवी वैभव नेटके, खोडदे गावच्या सरपंच कु. पूजा विलास गुरव, सडे जांभारी गावच्या सरपंच श्रीमती. वनिता डिंगणकर, माजी सरपंच प्रमोद गोणबरे, तंटामुक्ती अध्यक्ष आप्पा कदम, गावकर अनंत पागडे, सामाजिक कार्यकर्ते यशवंत पागडे, श्रीमती. शालिनी शितप, माजी सरपंच प्रमेय आर्यमाने, नरेश निमूणकर, आबलोलीचे पोलीस पाटील महेश भाटकर, शीरचे पोलीस पाटील संदिप घाणेकर आदी मान्यवर उपस्थित होते. शेवटी आबलोलीचे ग्राम महसूल अधिकारी व्ही. व्ही. जोशी यांनी सर्वांचे आभार मानले.

#MahasulSamadhanShibir #Abololi #RevenueCamp #ChhatrapatiShivajiMaharaj #Guhagar #FarmersMeet #MaharashtraNews #GramVikas #महसूलशिबिर #आबलोली #शेतकरीमे

ळावा