🐍 कोकणात परंपरेचा वारसा
तवसाळ तांबडवाडीमध्ये पारंपरिक पद्धतीने नागपंचमी साजरी; निसर्गाशी नाळ जपणारा उत्सव
📍 गुहागर – तवसाळ | वार्ताहर – सचिन कुळये
दि. 29 जुलै 2025 रोजी तवसाळ तांबडवाडी येथे पारंपरिक पद्धतीने, अनेक वर्षांची परंपरा जपत नागपंचमीचा उत्सव साजरा करण्यात आला. निसर्गाच्या सान्निध्यात, श्रद्धा आणि एकोप्याचा संगम घडवणारा हा सण संपूर्ण वाडीत उत्साहात पार पडला.
नागपंचमीसाठी नव्याने तयार झालेल्या वारुळ्यांचे शुद्धीकरण पाणी शिंपडून करण्यात आले. यानंतर नागदेवतेची पूजा करताना दूध, लाह्या, फुले, काळे-पांढरे तीळ, तसेच घोमेटी (वेळ), तेडसा, सोनवली व निसर्गात फुलणाऱ्या फुलांनी सजावट केली गेली.
🪔 महिलांनी पारंपरिक वेशात शेतात पिकलेल्या तांदळापासून बनवलेल्या लाह्या, साखर, गूळ व तीळ यांचा नैवेद्य अर्पण केला. पानांमध्ये पातोळ्यांचा नैवेद्य देण्यात आला. हा प्रसाद सर्व वाडीत वाटून गोडवा आणि ऐक्य टिकवला गेला.
🌾 कृषीसंस्कृतीशी नातं
कोकणातील कृषी संस्कृतीत नागाचे स्थान अत्यंत महत्त्वाचे मानले जाते. उंदीर नियंत्रणाच्या माध्यमातून तो पिकांचे रक्षण करतो, यामुळे नागपंचमी ही फक्त धार्मिक नव्हे तर कृषीपर परंपराही आहे.
शुक्ल पक्षातील श्रावण पंचमीला साजरी होणारी नागपंचमी ही कोकणात श्रद्धेने आणि सामाजिक ऐक्याने साजरी केली जाते. नव्या पिढीला परंपरेशी जोडणारा आणि निसर्गाशी नातं दृढ करणारा हा उत्सव भविष्यातही जपला जावा, अशी भावना यावेळी उपस्थित ग्रामस्थांनी व्यक्त केली.
🔖 #नागपंचमी #तवसाळ #गुहागर #कोकणपंचमी #परंपरा #कोकणसंस्कृती #कृषीसंस्कृती #ShravanFestival #RatnagiriVartahar
📸 फोटो
Author: Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
