🌟 महाराष्ट्राचे राज्यपाल सी.पी. राधाकृष्णन यांना NDA कडून उपराष्ट्रपतीपदाची अधिकृत उमेदवारी!
देशसेवेसाठीचे अखंड समर्पण, सखोल कायदेविषयक ज्ञान व स्वच्छ प्रतिमेमुळे निर्णय
नवी दिल्ली –
महाराष्ट्राचे महामहीम राज्यपाल माननीय श्री. सी.पी. राधाकृष्णन यांना राष्ट्रीय लोकशाही आघाडी (NDA) कडून भारताचे उपराष्ट्रपती पदासाठी उमेदवारी अधिकृतरित्या जाहीर करण्यात आली आहे. हा निर्णय पंतप्रधान नरेंद्र मोदी यांच्या अध्यक्षतेखालील BJP च्या संसदीय बोर्डाच्या बैठकीत (17 ऑगस्ट 2025) घेण्यात आला.
राधाकृष्णन यांच्या दीर्घ राजकीय कारकिर्दीमध्ये त्यांनी दोन वेळा खासदार (कोयंबतूर, 1998 व 1999) म्हणून काम पाहिले असून, तमिळनाडू BJP अध्यक्ष, तसेच संसदीय समित्यांवर महत्त्वपूर्ण भूमिका निभावली आहे. राज्यकारभाराचा मोठा अनुभव असल्याने ते झारखंड, तेलंगणा (अतिरिक्त) आणि सध्या महाराष्ट्राचे राज्यपाल या पदांवरही कार्यरत राहिले आहेत.
पंतप्रधान नरेंद्र मोदी यांनी त्यांच्या समर्पण, नम्रता व बुद्धिमत्तेचे कौतुक करत “ते नेहमी समाजकल्याणासाठी झटलेले व्यक्तिमत्त्व आहेत” असे मत व्यक्त केले. केंद्रीय मंत्री नितीन गडकरी यांनीही त्यांचे अभिनंदन करत “हा देशासाठी गौरवाचा क्षण” असल्याचे म्हटले.
राजकीय विश्लेषकांच्या मते, NDA कडे संसदेत बहुमत असल्याने राधाकृष्णन यांची निवड 9 सप्टेंबर 2025 रोजी होणाऱ्या उपराष्ट्रपती निवडणुकीत जवळपास निश्चित मानली जात आहे.
📌 हॅशटॅग्स :
#CPRadhakrishnan #VicePresidentElection #MaharashtraGovernor #NDACandidate #IndianPolitics #RatnagiriVartahar
Author: RV. Reporters
Guhagar Office .. * Ratnagiri vartahar Digital News * ..
