जिल्हास्तरीय शालेय फुटबॉल स्पर्धा एस व्ही जे सी टी क्रीडा संकुलात जल्लोषात संपन्न

क्रीडा व युवक सेवा संचालनालय महाराष्ट्र राज्य पुणे, जिल्हा क्रीडा परिषद रत्नागिरी जिल्हा क्रीडा कार्यालय, अंतर्गत

चिपळूण ~(प्रतिनिधी. )जिल्हा फुटबॉल संघटना यांचे तांत्रिक सहकार्याने एस व्ही जे सी टी क्रीडा संकुल चिपळूण येथे जिल्हास्तरीय शालेय फुटबॉल स्पर्धेचे दिनांक १० ते १२ सप्टेंबर २०२५ या कालावधीत आयोजन करण्यात आले. या स्पर्धेमध्ये १४, १७ व १९ वर्ष वयोगटातील मुले व मुलींमध्ये एकूण २७ संघ असे एकूण ४८६ खेळाडू सहभागी झाले होते. स्पर्धेच्या उद्घाटनप्रसंगी प्रमुख पाहुणे म्हणून श्री दिनेश पुजारी, एस व्ही जे सी टी क्रीडा संकुलचे क्रीडा संचालक श्री श्रीकांत पराडकर, जिल्हा फुटबॉल संघटनेचे अध्यक्ष श्री प्रसाद परांजपे, क्रीडा शिक्षक अजित दवडे, कुणाल चव्हाण, समिर यादव, आशिष कानापडे, आदि मान्यवर उपस्थित होते.श्री दिनेश पुजारी यांचे स्वागत क्रीडा शिक्षक श्री कुणाल चव्हाण यांनी केले तर श्री श्रीकांत पराडकर यांचे स्वागत क्रीडा शिक्षक श्री अजित दवडे तर श्री प्रसाद परांजपे यांचे स्वागत श्री आशीष कानापडे यांनी केले. कार्यक्रमाचे सूत्र संचालन श्री सचिन मांडवकर क्रीडा मार्गदर्शक जिल्हा क्रीडा कार्यालय रत्नागिरी यांनी केले

स्पर्धा निकाल पुढीलप्रमाणे :-

१४ वर्षांखालील मुलांच्या वयोगटात चुरशीने खेळल्या गेलेल्या अनेक सामन्यांमध्ये एस. पी. एम इंग्लिश मिडियम स्कूल, चिपळूण संघाने रोटरी इंग्लिश मिडीयम स्कूल, खेड संघाचा पराभव करून विजेतेपद पटकावले. तर सेंट थॉमस रत्नागिरी संघ तिसऱ्या स्थानावर राहिला.

१४ वर्षाखालील मुलींमध्ये सेंट थॉमस रत्नागिरी संघाने कै. सौ. मीनाताई टाकरे माध्यमिक विद्यालय, संगमेश्वर संघाविरुद्ध दमदार खेळ करून अंतिम सामना जिंकला. तसेच एस. पी. एम इंग्लिश मिडियम स्कूल, चिपळूण संघाने तृतीय क्रमांक पटकाविला.

१७ वर्षाखालील मुलांच्या वयोगटामध्ये एस. पी. एम इंग्लिश मिडियम स्कूल, चिपळूण व रोटरी इंग्लिश मिडीयम स्कूल, खेड यांच्यामधील झालेल्या अंतिम सामन्यात एस. पी. एम इंग्लिश मिडियम स्कूल, चिपळूण या संघाने चमकदार कामगिरी करीत अंतिम विजेते पदकावर नाव कोरले. तसेच सेंट थॉमस रत्नागिरी संघाने तृतीय क्रमांक पटकाविला.

१७ वर्षांखालील मुलींच्या गटात एसव्हीजेसीटी इंग्लिश मिडियम स्कूल संघाने सेक्रेट हार्ट कॉन्व्हेंट रत्नागिरी संघाविरुद्ध रोमहर्षक खेळ करून विजेतेपद पटकाविले आणि पी. एस. बने इंटरनॅशनल, संगमेश्वर संघ तृतीय क्रमांकाचा मानकरी ठरला.

१९ वर्षाखालील मुलांच्या अंतिम सामन्यात अभ्यंकर कुलकर्णी कनिष्ठ महाविद्यालय, रत्नागिरी आणि डी. बी. जे महाविद्यालय चिपळूण यांमध्ये झालेल्या अत्यंत चुरशीच्या सामन्यामध्ये अभ्यंकर कुलकर्णी कनिष्ठ महाविद्यालय, रत्नागिरी या संघाने विजेतेपद पटकावले. तसेच कै. प्र. ग. कांबळे ज्ञानदीप विद्यामंदिर, खेड संघाने तृतीय क्रमांक पटकाविला.

१९ वर्षाखालील मुलींच्या गटात झालेल्या चुरशीच्या अंतिम सामन्यामध्ये अभ्यंकर कुलकर्णी कनिष्ठ महाविद्यालय, रत्नागिरी संघ सुवर्ण कामगिरी करीत विजेतेपदाचा मानकरी संघ ठरला तर उपविजेतेपद ज्ञानदीप इंग्लिश मिडीयम स्कूल, खेड संघाने मिळवले. तसेच तृतीय स्थान गोविंदराव निकम माध्य व उच्च माध्य विद्यालय, सावर्डे संघाने पटकाविले.

मा. जिल्हा क्रीडा अधिकारी श्री विजय शिंदे यांनी विजयी संघाना विभागीय शालेय फुटबॉल क्रीडा स्पर्धेकरिता शुभेच्छा दिल्या.

Author: Yogesh Pedhambkar

योगेश पेढांबकर - रत्नागिरी वार्ताहर, चिपळूण-संगमेश्वर, डिजीटल मिडिया प्रतिनिधी