Jack and Jill Pre School, गोराई–बोरिवली येथे ‘Future of the Nation’ थीमवर वार्षिक स्नेहसंमेलन उत्साहात संपन्न
लहानग्यांच्या नाटुकल्या व नृत्याविष्काराने पालक-मान्यवर मंत्रमुग्ध; शिक्षणासोबत संस्कारांचा प्रभावी संगम
बोरिवली (मुंबई) | प्रतिनिधी :
दिनांक ११ जानेवारी २०२६ रोजी सरस्वती शिक्षण संस्थेच्या Jack and Jill Pre School – गोराई, बोरिवली या शाळेचे वार्षिक स्नेहसंमेलन ‘Future of the Nation’ या आशयपूर्ण थीमवर अतिशय उत्साहात व काटेकोर नियोजनात पार पडले.
या स्नेहसंमेलनासाठी कुणबी चेंबर ऑफ कॉमर्स अँड इंडस्ट्रीज, महाराष्ट्र राज्याचे अध्यक्ष श्री. प्रेमनाथ गणू ठोंबरे, के. बी. पाटील इंटरनॅशनल स्कूलच्या CEO सौ. फाल्गुनी कटारीया, उत्कर्ष मंदिर, मलाड पूर्व येथील सिनिअर शिक्षिका सौ. संध्या प्रेमनाथ ठोंबरे, सुधीर चितले, Jack and Jill Pre Schoolच्या मुख्याध्यापिका सौ. संध्या शाम बापेरकर तसेच संचालक श्री. शाम बापेरकर प्रमुख पाहुणे म्हणून उपस्थित होते.
कार्यक्रमात सर्व लहानग्यांनी भारतीय संस्कृती व संस्कारमय गाण्यांवर आधारित नाटुकल्या व नृत्याविष्कार सादर केले. त्यांच्या आत्मविश्वासपूर्ण सादरीकरणामुळे उपस्थित मान्यवर, शिक्षक व पालक भारावून गेले आणि सर्वच मुलांचे भरभरून कौतुक करण्यात आले.
सौ. संध्या बापेरकर व श्री. शाम बापेरकर यांनी शिक्षण क्षेत्रात घेतलेली ही प्रेरणादायी उंच भरारी उल्लेखनीय असून बोरिवली, विरार व पाचल (राजापूर) येथे चालविण्यात येणाऱ्या Pre-Primary शाळांच्या एकूण चार शाखांमधून २०० हून अधिक विद्यार्थी दर्जेदार शिक्षण घेत आहेत. शिक्षणासोबत संस्कार, सांस्कृतिक मूल्ये व सर्वांगीण विकासावर येथे विशेष भर दिला जातो.
यावेळी कुणबी चेंबर ऑफ कॉमर्स अँड इंडस्ट्रीजच्या माध्यमातून पालकांना आवाहन करण्यात आले की, मुलांच्या शैक्षणिक व सांस्कृतिक विकासासाठी Jack and Jill Pre School मध्ये प्रवेश घ्यावा आणि उज्ज्वल भवितव्याची पायाभरणी कराव
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
