माहिती अधिकार महासंघ लांजा कार्यकारिणीत वैभव विठ्ठल वारीशे यांची सक्रिय कार्यकर्ता म्हणून निवड
लांजा | प्रतिनिधी : जितेंद्र चव्हाण
लांजा तालुक्यातील बेनी बुद्रुक येथील सामाजिक कार्यकर्ते व पत्रकार श्री. वैभव विठ्ठल वारीशे यांची माहिती अधिकार कार्यकर्ता महासंघ, लांजा तालुका कार्यकारिणी मध्ये सक्रिय कार्यकर्ता म्हणून नियुक्ती करण्यात आली आहे.
सदर नियुक्तीचे अधिकृत पत्र त्यांना दि. ३ फेब्रुवारी २०२६ रोजी माहिती अधिकार पेट्रोशियनचे महाराष्ट्र राज्य अध्यक्ष श्री. सुभाष बसवेकर यांच्या सहीनिशी प्राप्त झाले आहे. ही नियुक्ती माहिती अधिकार महासंघाचे तालुकाध्यक्ष श्री. जितेंद्र चव्हाण यांच्या शिफारशीने करण्यात आली आहे.
प्राप्त पत्रानुसार, श्री. वैभव विठ्ठल वारीशे यांची माहिती अधिकार महासंघ लांजा तालुका सक्रिय कार्यकर्ता या पदावर नेमणूक दि. ३/२/२०२६ पासून पुढील आदेश येईपर्यंत लागू राहणार आहे. सदर नियुक्ती मानधनविरहित असून, त्यांना भारतीय संविधान, भारतीय कायदे तसेच माहिती अधिकार फेडरेशनच्या आचारसंहितेचे काटेकोरपणे पालन करणे बंधनकारक राहणार आहे.
या पदाच्या माध्यमातून श्री. विठ्ठल वारीशे यांनी माहिती अधिकार अधिनियम २००५ चा व्यापक जनहितासाठी उपयोग करावा, तसेच सर्वसामान्य नागरिकांमध्ये व समाजात माहिती अधिकाराबाबत जनजागृती करावी, असेही पत्रात नमूद करण्यात आले आहे.
त्यांच्या निवडीबद्दल सामाजिक, पत्रकार व माहिती अधिकार क्षेत्रातून अभिनंदनाचा वर्षाव होत असून, त्यांच्या कार्यकाळात माहिती अधिकार चळवळीला लांजा तालुक्यात नवी दिशा मिळेल, अशी अपेक्षा व्यक्त करण्यात येत आहे.
सदर नियुक्ती ही मानद स्वरूपाची आहे.
—
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
