गुहागर हायस्कूलचे मुख्याध्यापक सुधाकर कांबळे सर यांना राज्यस्तरीय शिक्षण गौरव पुरस्कार प्रदान
गुहागर -महाराष्ट्र जनता विकास प्रतिष्ठान या सेवाभावी संस्थेच्या वतीने देण्यात येणारा २०२६ चा राज्यस्तरीय शिक्षण गौरव पुरस्कार गुहागर एज्युकेशन सोसायटी संचलित श्री देव गोपाळकृष्ण माध्यमिक विद्यालयाचे कर्तव्यदक्ष व कार्य तत्पर मुख्याध्यापक व आदर्श मुख्याध्यापक पुरस्कार प्राप्त श्री सुधाकर शामराव कांबळे सर यांच्या उत्कृष्ट शैक्षणिक सामाजिक सांस्कृतिक या विविध कार्याच्या सन्मानार्थ देण्यात आला.शाल, श्रीफळ, मानाचा फेटा ,सन्मान चिन्ह, पुष्पगुच्छ ,सन्मानपत्र ,पुस्तक रुपी भेटवस्तू , असे पुरस्काराचे स्वरूप होते .त्यावेळी महाराष्ट्र जनता विकास प्रतिष्ठानचे सल्लागार श्री संदीप भोसले ,संस्थापक संचालक मनोज पाटील, संस्थेचे जिल्हा साधन व्यक्ती व समन्वयक श्री गणेश कुलकर्णी सर ,सामाजिक कार्यकर्ते प्रभुनाथ देवळेकर, सांस्कृतिक कलाकार संदीप घाडे ,अपंग पुनर्वसन संस्थेचे अध्यक्ष श्री उदय रावणंग, प्रतिष्ठित नागरिक महेश पोवळे ,मुद्रा पोवळे, राजू बावधनकर आदी मान्यवर उपस्थित होते .श्री सुधाकर शामराव कांबळे यांनी गुहागर एज्युकेशन सोसायटी संचलित श्री देव गोपाळ माध्यमिक विद्यामंदिर गुहागर येथे तीस वर्ष इमाने इतवारे प्रामाणिकपणे सेवा बजावलेली आहे.त्यांच्या कारकिर्दीत शाळेच्या गुणवत्ता विकासासाठी विविध उपक्रम राबवण्यात आलेले आहेत.त्यांच्या मार्गदर्शनाखाली विद्यालयाचा अंतरंग व बहिरंग विकास चांगल्या पद्धतीने झालेला आहे .त्यांनी विविध उपक्रम हाती घेऊन यशस्वी केलेले आहेत.शाळेच्या भौतिक सुविधांच्या पूर्ततेसाठी त्यांनी प्रयत्न केले.त्यांचे अनेक विद्यार्थी आता विविध क्षेत्रांमध्ये चमकदार कामगिरी करताना दिसत आहेत.शिक्षणासारख्या पवित्र क्षेत्रामध्ये अत्यंत तळमळीने सर्व शिक्षक वृंदांना सोबत घेऊन संचालक मंडळ यांच्या मार्गदर्शनातून कार्य केले आहे.त्यांच्या विविध अंगी कार्याच्या गौरव करण्याच्या उद्देशाने त्यांना विविध राज्यस्तरीय पुरस्कार प्राप्त झालेले आहेत.गुहागर तालुका होमगार्ड समादेशक म्हणून त्यांनी अत्यंत निष्ठापूर्वक सेवा भावी प्रमाणे सेवा बजावली आहे .त्यांचा महाराष्ट्र साहित्य परिषद शाखा गुहागर, ज्ञानरश्मी वाचनालय गुहागर यासह तालुक्यातील विविध सामाजिक शैक्षणिक क्रीडा संस्थेची निकटचा संबंध आहे. त्यावेळी बोलताना प्रतिष्ठानचे संस्थापक संचालक मनोज पाटील म्हणाले की श्री कांबळे सर यांच्या मार्गदर्शनाखाली श्री देव गोपाळकृष्ण माध्यमिक विद्यालयाने शिक्षण क्षेत्रात एक आगळे वेगळे स्थान प्राप्त केले आहे .श्री कांबळे सर यांच्यासारखे अष्टपैलू व बहुआयामी व्यक्तिमत्व विद्यालयाला लाभले म्हणूनच या विद्यालयाचा गतीने विकास होत आहे .सत्काराला उत्तर देताना देताना श्री सुधाकर कांबळे म्हणाले की मी महाराष्ट्र जनता विकास प्रतिष्ठानचा अत्यंत ऋणी आहे माझ्या सेवाकाळात मला अनेकांनी सहकार्य केले, त्या सर्वांचा मी आभारी आहे.यापुढेही मी शिक्षण क्षेत्रात कार्यरत राहीन .त्यांना सन्मानाचा राज्यस्तरीय शिक्षण गौरव पुरस्कार प्राप्त झाल्याबद्दल महाराष्ट्र जनता विकास प्रतिष्ठान चे पदाधिकारी, अमोलजी वराडकर, गुहागर एज्युकेशन सोसायटीचे पदाधिकारी तसेच गुहागर तालुक्यातील विविध स्तरातून त्यांच्यावर अभिनंदनचा वर्षाव होत आहे
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
