म्हाडाकडून जबरदस्ती मोजणीचा प्रयत्न…उत्तर शिव येथे म्हाडाच्या कारवाईविरोधात 14 गावांचा संताप…हस्तक्षेपामुळे मोठी कारवाई तात्काळ थांबली… कारवाई तात्पुरती स्थगित… लवकरच निर्णायक बैठक.
नवीमुंबई (मंगेश जाधव)-दिनांक २०/०५/२६ रोजी, उत्तर शिव येथे म्हाडा संस्थेकडून उत्तर शिव परिसरात शासकीय गुरचरण जमिनीची जबरदस्तीने मोजणी करून ती जागा ताब्यात घेण्याचा प्रयत्न करण्यात आल्याने परिसरातील नागरिकांमध्ये तीव्र संतापाची लाट उसळली.
या पार्श्वभूमीवर, परिसरातील 14 गावांतील नागरिकांनी एकजूट दाखवत ठाम भूमिका घेतली आणि संबंधित अधिकाऱ्यांना माघार घ्यावी लागली. नागरिकांच्या या एकसंघ आंदोलनामुळे परिस्थिती गंभीर बनली होती. या कार्यवाही दरम्यान तातडीने हस्तक्षेप करत म्हाडाच्या वरिष्ठ अधिकाऱ्यांशी चर्चा केली. या ठोस भूमिकेमुळे सध्या सुरू असलेली कारवाई थांबवण्यात आली असून, या संपूर्ण विषयावर निर्णय घेण्यासाठी लवकरच अधिकृत बैठक आयोजित करण्यात येणार असल्याचे स्पष्ट करण्यात आले आहे. 14 गावांतील गुरचरण जमीन ही स्थानिक ग्रामस्थांची जीवनरेखा आहे. कोणत्याही परिस्थितीत स्थानिकांवर अन्याय होऊ दिला जाणार नाही ही भूमिका घेण्यात आली. जर अशीच एकजूट कायम राहिली, तर 14 गावांच्या विकासाला कोणीही अडथळा आणू शकत नाही.
या आंदोलनात श्री. बाबाजी पाटील, नगरसेवक, भरत भोईर, नवी मुंबई महानगरपालिका नगरसेवक, श्री. शशिकांत भोईर, श्री. संतोष केणे, श्री. निलेश पाटील, वरिष्ठ पोलीस निरीक्षक, श्री. श्रीराम पौड, तहसीलदार, 14 गाव संघर्ष समितीचे श्री. लक्ष्मण पाटील, नगरसेवक, सौ. प्रतीक्षाताई पाटील, सौ. सविता रामचंद्र सांगळे, नगरसेविका, सरपंच श्री. उमेश गायकर, वाकलन , श्री. रामनाथ पाटील, श्री. राम भोईर, श्री. गणेश जयपाल, श्री. भरत भोईर, तालुकाप्रमुख श्री. गुरुनाथ वालीलकर, श्री. जीवन वलीलकर, श्री. गुरुनाथ पाटील, श्री. रमेश पाटील, मा. जिल्हा परिषद सदस्य, श्री. कैलाश शेठ पाटील, तसेच चौदा गावातील ग्रामस्थ आणि उत्तर शिव येथील ग्रामस्थ उपस्थित असेच प्रशासनातील म्हाडा अधिकारी शिंदे साहेब तसेच हजारो नागरिक मोठ्या संख्येने उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
