देवरुख येथे बचत गटातील महिलांचा स्वयंरोजगार मार्गदर्शन मेळावा उत्साहात संपन्न..!
राधाकृष्ण गोविंद फाउंडेशन चिपळूण – सावर्डे यांचा स्तुत्य उपक्रम..!
आबलोली (संदेश कदम)…
संगमेश्वर तालुक्यातील देवरुख येथील श्री.महालक्ष्मी नृसिंह मंगल कार्यालय देवरुख येथे राधाकृष्ण गोविंद फाउंडेशन चिपळूण – सावर्डे यांचे संयुक्त विद्यमाने बचत गटातील महिलांना स्वत: च्या पायावर ऊभे राहण्यासाठी आणि आर्थिक सक्षम करण्यासाठी स्वयंरोजगार मार्गदर्शन मेळावा नुकताच उत्साहात संपन्न झाला. यावेळी संगमेश्वर तालुक्यातील ३५ गावातील बचतगटाच्या १४० महिला उपस्थित होत्या. या स्तुत्य उपक्रमाचे नीटनेटके नियोजन राधाकृष्ण गोविंद फाउंडेशन चिपळूण- सावर्डे यांचे वतीने करण्यात आले होते यावेळी राधाकृष्ण गोविंद फाउंडेशन चिपळूण – सावर्डे या फाउंडेशनच्या प्रमुख सौ. सई निकम मॅडम यांनी फाउंडेशनच्या आतापर्यंतच्या राबविण्यात आलेल्या उपक्रमाचा आढावा घेत फाउंडेशनच्या माध्यमातून महिलांसाठी व्यावसायिक मार्गदर्शन मिळावे घेऊन महिलांना स्वत:चा व्यवसाय ऊभा कसा करता येईल या विषयावर मौलिक मार्गदर्शन केले
या मार्गदर्शन मेळाव्याला ऍड.सिमा गिडये यांनी महिलांच्या सुरक्षा विषयी शासनाने केलेला कायदा याविषयी मौलिक मार्गदर्शन केले. त्यानंतर देवरुख येथील SBI बॅंकेचे मॅनेजर श्री. निखिल भिडे यांनी मार्गदर्शन करताना SBI बॅंकेच्या देवरुख येथील शाखेतून गेल्या ६ महिण्यात ६ कोटी रुपये बचत गटांना कर्जाच्या माध्यमातून उपलब्ध करुन देण्यात आल्याची माहिती दिली.यानंतर संगमेश्वर तालुका पंचायत समितीचे गटविकास अधिकारी श्री. भरत चौगुले यांनी मौलिक मार्गदर्शन करताना संगमेश्वर तालुक्यातील महाराष्ट्र शासनाच्या माद्यमातून राबविण्यात येणाऱ्या १) माझी लाडकी बहिण योजना, २) मुख्यमंत्री युवा कार्य योजना, ३) लेक लाडकी योजना, ४) प्रधानमंत्री सुरक्षा / मातृ वंदना योजना, ५) सर्व प्रवर्गातील मुख्यमंत्री तिर्थक्षेत्र योजना, ६)प्रधानमंत्री आवास योजना,७) रमाई आवास योजना आदी. योजनांविषयी महत्त्वपूर्ण माहिती दिली.
त्यानंतर जिल्हा उद्योग केंद्र रत्नागिरीचे उद्योग निरिक्षक श्री. रविंद्र सुर्यवंशी यांनी जिल्हा उद्योग केंद्र रत्नागिरी यांच्या माध्यमातून मुख्यमंत्री रोजगार निर्मिती (सीएमईजीपी) या योजने विषयी मौलिक मार्गदर्शन करताना या योजनेची पात्रता आणि निकष समजावून सांगून सभागृहातील महिलांच्या प्रश्नांची अचूक उत्तरे दिली. तसेच उद्योग निरिक्षक कु. अर्चना सकपाळ यांनीहि मौलिक मार्गदर्शन केले.यानंतर प्रमुख मार्गदर्शक खादी महामंडळाचे निवृत्त अधिकारी श्री.गुरुनाथ मोहित यांनी रत्नागिरी जिल्ह्यातील वेगवेगळ्या उद्योग संधी कोणत्या आहेत या विषयी महिलांना मौलिक मार्गदर्शन केले. यावेळी या मार्गदर्शन मेळाव्याला संगमेश्वर तालुक्यातील एकुण ३५ गावातील बचतगटाच्या १४० महिला उपस्थित होत्या या उपस्थित महिलांमधून १०/१२ फॉर्म भरून घेण्यात आले.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
