सावर्डे विद्यालय शालेय जिल्हास्तरीय क्रिकेट स्पर्धेत विजयी….
सावर्डे विद्यालयाचा संघ करणार रत्नागिरी जिल्ह्याचे प्रतिनिधित्व
सावर्डे
– क्रीडा व युवक सेवा संचनालय महाराष्ट्र राज्य पुणे आणि जिल्हा क्रीडा कार्यालय रत्नागिरी यांच्या संयुक्त विद्यमाने गोगटे जोगळेकर रत्नागिरी येथे जिल्हास्तरीय शालेय क्रिकेट स्पर्धांचे आयोजन करण्यात आले होते. 19 वर्षे वयोगटातील या स्पर्धेमध्ये गोविंदराव निकम माध्यमिक व उच्च माध्यमिक विद्यालय सावर्डे च्या संघाने चिपळूण तालुक्याचे प्रतिनिधित्व केले.सावर्डेच्या संघाने उपांत्य फेरीत राजापूर तालुक्याचे प्रतिनिधित्व करणाऱ्या संघाविरुध्द झालेल्या सामन्यात 29 धावांचे आव्हान दिले. राजापूर संघाने अवघ्या 23 धावांमध्ये हार पत्करली व अंतिम सामन्यात गुहागर तालुक्याचे प्रतिनिधित्व करणाऱ्या संघा विरुध्द झालेल्या सामन्यात नाणेफेक जिंकून फलंदाजी घेतली व चार ओव्हर मध्ये 41 धावा केल्या व अवघ्या 16 धावांमध्ये गुहागर संघाने हार मानली व सावर्डे विद्यालयाच्या संघाने अंतिम सामन्यात विजय संपादन केला. यामध्ये सावर्डे संघाचा कर्णधार कुणाल मस्कर यांनी उत्कृष्ट फलंदाजी व गोलंदाजी करून संघाला विजय मिळवून देण्यात मोलाचा वाटा उचलला, तन्मय कांबळे, प्रथमेश थोरात, विघ्नेश बने, श्रवण मिस्त्री, ओंकार कदम, यश डिके, आयुष भंडारी, आदित्य गुजर, सागर सुर्वे,आर्यन गुडेकर या खेळाडूंनी सांघिक खेळाचे उत्कृष्ट प्रदर्शन करून प्रेक्षकांची मनी जिंकली. विद्यालयाचा 19 वर्षे वयोगटातील मुलांचा संघ विभागस्तरावर रत्नागिरी जिल्ह्याचे प्रतिनिधित्व करणार आहे. वरील सर्व खेळाडूंना प्रशिक्षक शिरीष जाधव, व क्रीडा शिक्षक दादासाहेब पांढरे, अमृत कडगावे, रोहित गमरे व प्रशांत सकपाळ यांचे मार्गदर्शन लाभले.
यशस्वी विद्यार्थी व मार्गदर्शक शिक्षकांचे सह्याद्री शिक्षण संस्थेचे कार्याध्यक्ष व आमदार शेखर निकम, अध्यक्ष बाबासाहेब भुवड, शालेय समितीचे चेअरमन व संचालक शांताराम खानविलकर, सर्व संस्था पदाधिकारी, सचिव महेश महाडिक, सह्याद्री क्रीडा प्रबोधिनी संस्थापक अनिरुद्ध निकम,पालक शिक्षक संघाचे उपाध्यक्ष, विद्यालयाचे प्राचार्य राजेंद्र वारे,उपप्राचार्य विजय चव्हाण, पर्यवेक्षक उद्धव तोडकर यांनी शुभेच्छा दिल्या आहेत.
जिल्हास्तरावर विजय प्राप्त करणारा सावर्डे विद्यालयाचा संघ व मार्गदर्शक शिक्षक
____________________
???????? Join Whatsapp Group
https://chat.whatsapp.com/L2mwcucEQKdBtE5N3lmPrv
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
