राष्ट्रीय चित्रकला स्पर्धेत काताळे गावचा सुपुत्र बाल चित्रकार कु.वेदांत अशोक डिंगणकर याचा सन्मान
ऊर्जा मंत्रालय-भारत सरकारच्या राष्ट्रीय स्पर्धेत चमकला
आबलोली (संदेश कदम) …..
ऊर्जा संरक्षण पर राज्य स्तरीय चित्रकला प्रतियोगिता (STATE LEVEL NATIONAL PAINTING COMPETITION ON ENERGY CONSERVATIVE-2024)
देशांतर्गत क्षेत्रातील ऊर्जा,कार्यक्षमता आणि ऊर्जा संवर्धनासाठी संवेदनशील करण्यासाठी ऊर्जा मंत्रालय (MOP)व भारत सरकार (GOI), यांच्यातर्फे घेण्यात आलेल्या राष्ट्रीय चित्रकला स्पर्धेत रत्नागिरी जिल्ह्यातील गुहागर तालुक्यातील निसर्गाच्या कुशीत, चारही बाजूंनी निसर्ग रम्य वातावरणात वसलेले ग्रामीण भागातील, खेडेगावातील छोटेसे गाव म्हणजे काताळे या गावांमध्ये एक आदर्श शाळा ती म्हणजे, जिल्हा परिषद पुर्ण प्राथमिक आदर्श शाळा काताळे नंबर .०१ या जिल्हा परिषद पुर्ण प्राथमिक आदर्श शाळा काताळे नंबर.०१, तालुका- गुहागर, जिल्हा रत्नागिरी येथील विद्यार्थी कु.वेदांत अशोक डिंगणकर, इयत्ता -७ वी मध्ये शिक्षण घेत आहे.वेदांत हा महाराष्ट्र राज्यातून टॉप ५० मध्ये निवड करण्यात आली.आणि वेदांत ने शाळा, गाव, तालुका, जिल्ह्यासह आपल्या आईवडिलांचे आणि शाळेच्या मार्गदर्शक शिक्षकांची नावे यशोशिखरावर नेली.
वेदांत आणि टॉप ५० मधील विद्यार्थ्यांची मुंबई मध्ये १४ नोव्हेंबर -२०२४ सकाळी ७.०० वाजता, SNDT COLLEGE MUMBAI येथे राष्ट्रीय स्पर्धा घेण्यात आली.या स्पर्धेतमध्ये 828(आठशे अठ्ठावीस ) शाळांनी यामध्ये सहभागी झाले होते.या स्पर्धेतमध्ये- A GROUP मधून 21824 (एकविस हजार आठशे चौवीस) हून अधिक चित्रकार मुलांनी भाग घेतला होता. यामधून राज्यस्तरासाठी टॉप 50 मुलांची निवड करण्यात आली या राष्ट्रीय स्पर्धेत मध्ये वेंदातने आपली चुणूक दाखवून त्याला राष्ट्रीय स्तराचे प्रमाणपत्र व रोख रक्कम देऊन गौरविण्यात आले.यावेळी NTPC कंपनी चे रिजनल हेड ऑफ एच आर वंदना चतुर्वेदी, परीक्षक पूनम परालकर,नीलम केनी, मिरा सावंत,तसेच सदस्य जी. जी.वाघमारे, संदिप संगवे उपस्थित होते.वेदांतला बालपणापासून चित्रकला विषयांची आवड होती.आपल्या कलेची जोपासना करत जिद्द चिकाटी यांच्या जोरावर त्यांने राष्ट्रीय स्तरावर सुयश संपादन करत आपल्या काताळे गावांचे नांव, आपल्या शाळेचे नाव,आई वडील, शिक्षकांचे नाव रोशन केले आहे.वेदांतचे सर्व स्तरातून अभिनंदन केले जात आहे. वेदांत ने आपली परिस्थितीचे गांभीर्य लक्षात घेऊन दिवस रात्र मेहनत करून यशस्वीपणे आपले ध्येय पूर्ण केले.या यशामध्ये मागदर्शन गुरुवर्य म्हणून शिक्षक आदरणीय, मुख्याध्यापिका
श्रीमती. माधवी पाटील श्री.सोनवलकर सर, चव्हाण सर, कांबळे सर, यांनी खूप सहकार्य करून सर्व गोष्टी वेदांतकडून करून घेतल्या.या मध्ये नेहमीच सातत्याने जेथे स्पर्धा परीक्षा, सत्कार समारंभ असतील तेथे जाणे,येणे या सर्व गोष्टी शिक्षक वर्ग मोठ्या आपुलकीने करत असतात.
या स्पर्धेतमध्ये सहभागी का व्हावे तर,ही स्पर्धा विद्यार्थ्यांना त्यांच्या कलात्मक कौशल्यांचा शोध घेण्यासाठी एक उत्कृष्ट व्यासपीठ प्रदान करते आणि राष्ट्रीय कारणासाठी योगदान देते- ऊर्जा संवर्धन हा उपक्रम केवळ विद्यार्थ्यांनाच शिक्षित करत नाही तर त्यांच्या कुटुंबांना आणि
समुदायांमध्येही जागरूकता वाढवतो. त्यांच्या सर्जनशील अभिव्यक्तींद्वारे, विद्यार्थी शाश्वत आणि ऊर्जा-कार्यक्षम भविष्यासाठी राजदूत बनतात.
जगभरातील नाविन्यपूर्ण तसेच वैशिष्ट्यपूर्ण कलात्मक प्रतिमेला आणि युवा कलाकारांना प्रोत्साहन देणे ,या उद्देशाने खुप महत्वाचे पाऊल उचलले जाते.
“तुमच्या विद्यार्थ्यांना या प्रभावशाली स्पर्धेत सहभागी होण्यासाठी प्रोत्साहित करा आणि ऊर्जा संवर्धनाचा संदेश देशभर पसरवण्यात मदत करा..!”हाच संदेश वेदांत याने चित्रकला मधुन दिला.त्याच्या या यशाबद्दल काताळे शाळा व्यवस्थापन समिती निर्मल ग्रामपंचायत काताळे,काताळे शाळा शिक्षण वर्ग – पालक वर्ग तसेच गुहागर तालुका गटशिक्षण अधिकारी श्री. नितीन गळवे साहेब ,बीट विस्तार अधिकारी श्री. विश्वास खर्डे, पडवे उर्दू केंद्रप्रमुख श्री . परवेज चिपळूणकर, या सर्वांनी कु. वेदांत अशोक डिंगणकर याचे अभिनंदन करुन पुढील वाटचालीस शुभेच्छा दिल्या.
🔴 Plz Join whatsup group 👇🔗https://chat.whatsapp.com/L2mwcucEQKdBtE5N3lmPrv
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
