अंधेरी पूर्व येथील विश्वशांती बुध्दविहारात क्रांतीज्योती सावित्रीमाई फुले यांची जयंती उत्साहात साजरी

अंधेरी पूर्व येथील विश्वशांती बुध्दविहारात क्रांतीज्योती सावित्रीमाई फुले यांची जयंती उत्साहात साजरी

नवी मुंबई (मंगेश जाधव)

बौद्धजन पंचायत समिती शाखा क्रमांक , ६५७, अंतर्गत विश्वदिप महिला मंडळ, सहार गावं, अंधेरी पूर्व, यांच्या विद्यमाने नुकतीच ज्ञानज्योती क्रांतीज्योती सावित्रीमाई फुले यांची १९४ वी जयंती उत्साहात साजरी करण्यात आली. सदर कार्यक्रम विश्वदिप महिला मंडळ यांच्या प्रतिक्षा पवार यांच्या अध्यक्षतेखाली संपन्न झाला. सावित्रीबाई फुले यांच्या जयंतीनिमित्त शाखेतील महिला, पुरुष आणि लहान मुलींनी आपापले विचार मांडले. यावेळी इयत्ता दुसरीतील कु. रजनी मोरे आणि इयत्ता तिसरीतील कु. पुर्वी सुर्वे यांनी इंग्रजी भाषेत आपले विचार मांडले .

मान्यवरांनी आपल्या भाषणातून विचार मांडताना माता सावित्रीमाई फुले यांचे बालपण आणि विवाहा नंतरचे संपूर्ण जीवन त्यावेळी असणाऱ्या वर्णव्यवस्था, जातिव्यवस्था, मुलींना आणि महिलांना शिक्षणापासुन दूर ठेवले होते . महिलांना समाजात कुठेच स्थान नव्हते, तेव्हांचे होणारे बालविवाह, सती जाणे , पती निधनानंतर मुंडन करणे , दुसरा विवाह न करणे अशा अनेक अन्यायकारक , जुलमी प्रथा लादल्या गेलेल्या होत्या. या सर्व जातीवाचक त्रासाला सामोरे जावे लागत होते आणि म्हणूनच माता सावित्रीमाई फुलेंनी पती महात्मा जोतिबा फुले यांच्या मदतीने शिक्षण घेतले. पुढे समाजातील मुलींना हळूहळू शिक्षण दिले .व वर्णव्यवस्था विरोधी स्वतः अपमान सहन करून, भटाब्राम्हणांना न घाबरता मोठ्या धाडसाने आणि जिद्दीने खूप त्रास सहन करून मुलींना आणि महिलांना शिक्षण दिले त्याच बरोबर समाज प्रबोधनात्मक कार्यही केले. अश्या प्रकारे या सर्व गोष्टींवर प्रकाश टाकला.

कार्यक्रम यशस्वी करण्यासाठी विश्वदिप महिला मंडळ यांच्या सर्वच पदाधिकारी आणि सभासद भगिनींचे मोलाचे सहकार्य लाभले.. विभागातील लहान -थोर मंडळी उपस्थित राहून कार्यक्रमाची शोभा वाढवली . कार्यक्रमाच्या शेवटी अल्पोपहार देउन कार्यक्रम संपन्न झाला .

Author: Mangesh Jadhav

मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.