कुडाळ नगरपंचायतीच्या “नगराध्यक्ष”पदी अखेर शिवसेनेच्या सौ.प्राजक्ता बांदेकर-शिरवलकर यांची झाली निवड
आमदार निलेश राणेंचे स्वप्न साकार..
सिंधुदुर्ग – कुडाळ मधील महाविकास आघाडीच्या म्हणजेच उध्दव बाळासाहेब ठाकरे शिवसेनेच्या नगरसेविका सौ.श्रुती राकेश वर्धम या फुटल्याने अखेर कुडाळची नगरपंचायत गेली महायुतीच्या ताब्यात..
महाविकास आघाडीकडे गेली पावणे तिन वर्षे असलेली कुडाळ नगरपंचायत अखेर भाजपच्या म्हणजेच महायुतीकडे आणण्यासाठी शिंदे-शिवसेनेचे कुडाळ-मालवणचे आमदार निलेश राणे व उपजिल्हा प्रमुख आनंद शिरवलकर तसेच शिवसेनेच्या पदाधिकाऱ्यांना यश आले आहे.
महाविकास आघाडीतील उध्दव बाळासाहेब ठाकरे शिवसेनेची एक नगरसेविका अचानक फुटल्याने,तसेच तिने आपले मतदान भाजप प्रणित सिद्धिविनायक नगर विकास आघाडीच्या नगरसेविका सौ.प्राजक्ता बांदेकर-शिरवलकर यांना केल्याने पिठासीन तसेच निवडणूक अधिकारी ऐश्वर्या काळुसे यांनी अखेर सौ.प्राजक्ता बांदेकर-शिरवलकर या कुडाळ नगरपंचायतीच्या नगराध्यक्ष झाल्याचे घोषित केले.तसेच कागदोपत्री जरी ही नगरपंचायत भाजप म्हणजेच महायुतीकडे असली तरी आता या कुडाळच्या नगरपंचायतीवर शिवसेनेचा भगवा फडकला आहे.
आमदार निलेश राणे यांनी सौ.प्राजक्ता बांदेकर-शिरवलकर या नगराध्यक्ष झाल्याबद्दल त्यांचे पुष्पगुच्छ देऊन अभिनंदन केले.यावेळी जिल्हाप्रमुख दत्ता सामंत,उपनेते संजय आग्रे उपस्थित होते.तसेच शिंदे-शिवसेनेच्या पदाधिकारी कार्यकर्त्यांनी “शिवसेना झिंदाबाद” कोण आला रे कोण आला” निलेश राणे तुम आगे बढो, हम तुम्हारे साथ है, अशा जोरदार घोषणा देत जल्लोष केला.
कुडाळ नगरपंचायतीवर महाविकास आघाडीचीच सत्ता होती.महाविकास आघाडीचे ९ नगरसेवक तर महायुती आघाडीचे ८ नगरसेवक असे एकूण १७ नगरसेवक होते.तसेच महाविकास आघाडीची सत्ता असल्याने प्रत्येक नगराध्यक्षाला सव्वा-सव्वा वर्षाचा कालावधी ठरलेला होता.महाविकास आघाडीकडून काँग्रेसच्या नगरसेविका आफ्रिन करोल या २०२२ मध्ये नगराध्यक्षा झाल्या.त्यांचा सव्वा वर्षाचा कालावधी पूर्ण झाल्यानंतर त्यांनी आपल्या नगराध्यक्ष पदाचा राजीनामा दिला.
त्यानंतर पुन्हा काँग्रेसच्याच म्हणजेच महाविकास आघाडीच्या सौ.अक्षता खटावकर या ७ जून २०२३ रोजी नगराध्यक्ष पदी विराजमान झाल्या.त्यांनी ७ जानेवारी २०२५ रोजी आपल्या नगराध्यक्ष पदाचा राजीनामा दिला.त्यामुळे ही नगराध्यक्ष पदाची निवडणूक लागली होती.तसेच सौ.अक्षता खटावकर यांनी या कुडाळ नगरपंचायतीवर तब्बल दिड वर्षापेक्षा जास्त कालावधी म्हणजेच १७ महिने त्या नगराध्यक्ष पदावर राहिल्या आहेत.त्यांच्या पाठोपाठ आता तिसऱ्यांदा हि संधी महाविकास आघाडीतील उध्दव बाळासाहेब ठाकरे शिवसेनेच्या नगरसेविका सौ.सई काळप यांना मिळणार होती.यासाठी सौ.काळप यांनी आपला अर्ज नगराध्यक्ष पदासाठी दाखल केला होता.मात्र त्यांची अखेर संधी हुकली.
कुडाळ नगरपंचायत हि महायुतीकडे आणण्यासाठी शिवसेनेचे विनायक राणे,अभिषेक गावडे,राकेश कांदे,गटनेते विलास कुडाळकर,गणेश भोगटे,चेतन पडते,चंदन कांबळी यांच्यासह पदाधिकारी कार्यकर्त्यांनी मेहनत घेतली आणि आमदार निलेश राणे यांच्या स्वप्नाला मूर्त रूप मिळाले.
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
