वाटद मिरवणे शौचालय घोटाळ्याची रक्कम ग्रामपंचायत खात्यात जमा..
ग्रामसेवकाच्या पगारातून दरमहा २५ हजारांची वसुली
🖋️रत्नागिरी प्रतिनिधी :- निलेश रहाटे
रत्नागिरी तालुक्यातील वाटद मिरवणे ग्रामपंचायत मधील शौचालय घोटाळ्यामध्ये तफावत आढळलेली रक्कम ४,७७,४००/- तत्कालीन ग्रामसेवक श्री जयकिशन आडे सध्या कार्यरत पंचायत समिती कारंजा जिल्हा वाशिम शासकीय निधीचा स्वतःच्या फायद्यासाठी दुरुपयोग केल्याने वसुली करण्यात आली पंचायत समिती रत्नागिरी मधील गट विकास अधिकारी यांनी वारंवार याबाबत खुलासा करण्यासाठी संबंधित पत्र व्यवहार केला होता. व देण्यात आलेला खुलासा नामंजूर करून सप्टेंबर २०२४ पासून २५ हजार रुपये प्रति महिना याप्रमाणे ग्रामसेवकाच्या पगारातून शासकीय निधीचा स्वतःच्या फायद्यासाठी दुरुपयोग केल्याने वसुली करण्यात येत आहे. यातील ४ लाख ७७ हजार ४०० रुपये ग्रामपंचायतीच्या बचत खात्यात जमा करण्यात येत आहेत.
याविषयी माहिती अधिकार कार्यकर्ते व पत्रकार श्री निलेश रहाटे यांनी स्वच्छ भारत मिशन ग्रामीण शौचालय योजनेची जून २०२३ ला तक्रार केली होती व त्याच्या पाठपुरावा नंतर ही वसुली करण्यात आली आहे. परंतु ह्या तक्रारी च्या अनुषंकाने शौचालय घोटाळ्यामध्ये शासकीय दस्तावेजामध्ये फेरफार व खाडाखोड केलेली बिल आढळून आली होती शासकीय दस्तऐवज मध्ये फेरफार करणे व खाडाखोड करणे हा गुन्हा असून शासकीय परिपत्रकानुसार फौंजदारीं गुन्हा क्रमप्राप्त आहे. पण आज ३२ महिने पाठपुरावा करून सुद्धा योग्य ती परिपत्रकानुसार कारवाई पंचायत समिती रत्नागिरी व जिल्हा परिषद रत्नागिरी ग्रामपंचायत विभाग हे बाकीच्या संबंधित भ्रष्टाचार करणाऱ्या अधिकारी वर योग्य ती कारवाई करण्यासाठी टाळाटाळ करत आहेत हे दिसते.
Author: Nilesh Rahate
🔴 निलेश रहाटे 🔴 मिडिया प्रतिनिधि - रत्नागिरी वार्ताहर. ता. जिल्हा - रत्नागिरी
