नमन खेळांद्वारे निधी संकलन आणि शैक्षणिक दर्जा उंचावण्याचा संकल्प

नमन खेळांद्वारे निधी संकलन आणि शैक्षणिक दर्जा उंचावण्याचा संकल्प

साटवली पंचक्रोशी माजी विद्यार्थी संघटनेच्या विलेपार्ले येथील बैठकीत महत्त्वपूर्ण ठराव; गरजू विद्यार्थ्यांना मदतीचा हात पो

लांजा प्रतिनिधी – जितेंद्र चव्हाण

साटवली पंचक्रोशी शिक्षण संस्थेच्या माजी विद्यार्थी संघटनेची महत्त्वाची बैठक विलेपार्ले (पूर्व) येथील शहाजी राजे मार्गावरील विष्णू प्रसाद सोसायटी (नवपाडा) येथील चामुंडा बँक्वेट हॉलमध्ये नुकतीच उत्साहात पार पडली. संघटना आर्थिकदृष्ट्या अधिक सक्षम करण्यासाठी कोकणची पारंपरिक कला असलेल्या ‘नमन खेळे’ कार्यक्रमाचे आयोजन करून निधी उभारण्याचा आणि त्यातून हायस्कूल व महाविद्यालयाचा शैक्षणिक दर्जा उंचावण्याचा महत्त्वपूर्ण संकल्प या बैठकीत करण्यात आला.

माजी विद्यार्थ्यांना संघटनेच्या माध्यमातून पुन्हा एकत्र आणून शैक्षणिक व सामाजिक क्षेत्रात त्यांचे योगदान वाढवण्यावर बैठकीत विशेष भर देण्यात आला. या बैठकीत पुढील प्रमुख निर्णय घेण्यात आले:

* निधी संकलन आणि विनियोग: पारंपरिक आणि सांस्कृतिक ‘नमन खेळे’ कार्यक्रमाच्या माध्यमातून निधी उभारून तो पूर्णपणे विद्यार्थी कल्याण आणि शैक्षणिक उपक्रमांसाठी वापरणे.

* विद्यार्थ्यांना शैक्षणिक मदत: पंचक्रोशीतील गुणवंत व आर्थिकदृष्ट्या दुर्बल विद्यार्थ्यांना शैक्षणिक साहित्य, शिष्यवृत्ती आणि आवश्यक ती सर्व मदत उपलब्ध करून देणे.

* गुणवत्ता वाढीसाठी नियोजन: हायस्कूल आणि महाविद्यालयाचा शैक्षणिक दर्जा सुधारण्यासाठी संस्थेच्या सहकार्याने विविध उपक्रम व ठोस नियोजन राबवणे.

* कृतज्ञता आणि सन्मान सोहळा: शिक्षणप्रेमी दानशूर व्यक्ती तसेच निवृत्त गुरुजनांचा विशेष सन्मान सोहळा आयोजित करणे.

या सभेच्या यशस्वी आयोजनाचे संपूर्ण श्रेय संघटनेचे अध्यक्ष दीपक चंदुरकर यांच्या दूरदर्शी व शिस्तबद्ध नियोजनाला जाते. सभागृहाची व्यवस्था, उपस्थितांच्या येण्या-जाण्याची सोय आणि संपूर्ण कार्यक्रमाची सुसूत्रता त्यांनी अत्यंत काटेकोरपणे सांभाळल्याबद्दल उपस्थितांकडून त्यांचे विशेष कौतुक करण्यात आले.

या बैठकीस दीपक चंदुरकर, शाम बापेरकर, प्रकाश चंदुरकर, किशोर जुलूम, संतोष पड्यार, जितेंद्र चव्हाण, मनोज आग्रे, सुधाकर कुष्टे, दीपक तरळ, रतन जाधव, हरिश्चंद्र मांडवकर, सचिन मेस्त्री आणि अमोल शिरवाडकर आदी माजी विद्यार्थी मोठ्या संख्येने उपस्थित होते. आगामी सर्व उपक्रम यशस्वी करण्यासाठी एकत्रित प्रयत्न करण्याचा निर्धार यावेळी सर्वांनी व्य

क्त केला.

RV.Ratnagiri Office
Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग

rav watsup

SHARE:

4
Default choosing

Did you like our plugin?

सबसे ज्यादा पढ़ी गई

Horoscope

Weather

और पढ़ें

राज्य

शहर चुनें