खासदार सुप्रिया सुळे यांच्या सासू ॲनी सुळे यांचं निधन

खासदार सुप्रिया सुळे यांच्या सासू ॲनी सुळे यांचं निधन

कणखर आणि प्रतिष्ठित व्यक्तिमत्त्वाच्या ॲनी सुळे यांचं निधन; सुप्रिया सुळे यांनी सोशल मीडियावरून दिली माहिती

राष्ट्रवादी काँग्रेस (शरद पवार) पक्षाच्या खासदार सुप्रिया सुळे यांच्या सासू ॲनी सुळे यांचं निधन झालं आहे. त्यांच्या निधनाची माहिती सुप्रिया सुळे यांनी सोशल मीडियाच्या माध्यमातून दिली.

सुळे यांनी त्यांच्या पोस्टमध्ये लिहिलं आहे की, “माझ्या सासू ॲनी सुळे या आम्हाला काल सोडून गेल्या. त्या एक खंबीर, कणखर आणि प्रतिष्ठित महिला होत्या. आम्हाला त्यांची खूप आठवण येईल. त्यांच्याप्रती शोक व्यक्त करणाऱ्या प्रत्येकाचे मी आभार मानते.”

या भावनिक पोस्टवर अनेकांनी ॲनी सुळे यांना श्रद्धांजली वाहिली असून, सुप्रिया सुळे यांना सांत्वन दिलं आहे.

दरम्यान, अवघ्या दोन आठवड्यांपूर्वीच त्यांच्या काकी भारती पवार यांचंही निधन झालं होतं. त्या दुःखातून सावरत असतानाच सासूबाईंचं निधन झाल्यानं सुळे कुटुंबीयांवर शोककळा पसरली आहे.

हॅशटॅग्स:

#SupriyaSule #AnnieSule #Obituary #SharadPawar #NCP #RIP #PoliticalNews #MaharashtraPolitics

Author: Team Ratnagiri Vartahar

Official Ratnagiri vartahar Media creators & RV News YouTube Channel.