💥 संरक्षण मंत्री राजनाथ सिंह यांचा पाकिस्तानला थेट इशारा!
राजनाथ सिंह यांचा पाकिस्तानला थेट इशारा: ‘प्रत्येक इंच आता ब्राह्मोसच्या टप्प्यात’ | ऑपरेशन सिंदूर
“ऑपरेशन सिंदूर’ फक्त एक ट्रेलर होता; भारत पाकिस्तानला जन्म देऊ शकतो, तर…”: संरक्षण मंत्र्यांनी दिली धमकी
नवी दिल्ली:- संरक्षण मंत्री राजनाथ सिंह यांनी पाकिस्तानला अत्यंत थेट आणि गंभीर इशारा दिला आहे. भारताचे सामरिक सामर्थ्य आणि क्षमतेवर भाष्य करताना त्यांनी स्पष्ट केले की, आता भारताच्या शत्रूंना ब्राह्मोस क्षेपणास्त्रापासून (BrahMos Missile) सुटका करणे शक्य नाही.
राजनाथ सिंह म्हणाले की, “भारताला खात्री आहे की आपले शत्रू आता ब्राह्मोसपासून सुटू शकणार नाहीत. पाकिस्तानी भूभागाचा प्रत्येक इंच आता आपल्या ब्राह्मोसच्या आवाक्यात आहे.”
‘ऑपरेशन सिंदूर’ फक्त एक ट्रेलर
संरक्षण मंत्र्यांनी नुकत्याच झालेल्या ‘ऑपरेशन सिंदूर’चा उल्लेख करत पाकिस्तानला पुढील गंभीर परिणामांची जाणीव करून दिली.
“ऑपरेशन सिंदूर हे भारताच्या क्षमतेची फक्त एक झलक होती. ऑपरेशन सिंदूरमध्ये जे घडलं ते फक्त एक ट्रेलर होता,” असे त्यांनी नमूद केले.
‘भारत पाकिस्तानला जन्म देऊ शकतो, तर…’
या ट्रेलरनेच पाकिस्तानला हे दाखवून दिलं आहे की, जर भारत पाकिस्तानला जन्म देऊ शकतो, तर भारत आणखी काय करू शकतो याबद्दल मला अधिक सांगण्याची गरज नाही,” असा सूचक आणि थेट इशारा राजनाथ सिंह यांनी दिला आहे. संरक्षण मंत्र्यांच्या या वक्तव्यामुळे आंतरराष्ट्रीय स्तरावर खळबळ माजण्याची शक्यता आहे.
Author: Prachi Sutar
Prachi Sutar - Ratnagiri. *Digital media creators* Office clark.PR.
