केंद्र सरकारकडून महाराष्ट्राला मोठं गिफ्ट!
मुख्यमंत्री देवेंद्र फडणवीस यांची दिल्लीवारी यशस्वी, पंतप्रधान मोदींच्या भेटीनंतर मोठी घोषणा
नवी दिल्ली: महाराष्ट्राचे मुख्यमंत्री देवेंद्र फडणवीस यांच्या दिल्ली दौऱ्यात मोठी घोषणा झाली आहे. आज पंतप्रधान नरेंद्र मोदी यांची भेट घेतल्यानंतर फडणवीस यांनी महाराष्ट्रासाठी 400 कोटी रुपयांचं भव्य गिफ्ट जाहीर केलं. मुंबईत इंडियन इन्स्टिट्युट ऑफ क्रिएटिव्ह टेक्नॉलॉजी (IICT) उभारण्यात येणार असून, हे संस्थान आयआयटीच्या धर्तीवर विकसित होणार आहे. यासाठी गोरगाव फिल्मसिटीमध्ये जागा निश्चित करण्यात आली आहे.
IICT म्हणजे काय?
IICT म्हणजे इंडियन इन्स्टिट्युट ऑफ क्रिएटिव्ह टेक्नॉलॉजी, जिथे कंटेंट क्रिएशन, डिजिटल मीडिया आणि तंत्रज्ञानाशी संबंधित शिक्षण आणि संशोधनाला चालना दिली जाईल. केंद्र सरकार यासाठी 400 कोटी रुपयांचा निधी मंजूर करत आहे, अशी माहिती मुख्यमंत्री देवेंद्र फडणवीस यांनी दिली.
गडचिरोली बनेल भारताची स्टील सिटी!
याच बैठकीत मुख्यमंत्री फडणवीस यांनी गडचिरोली जिल्ह्याला माईनिंग हब म्हणून विकसित करण्याबाबत पंतप्रधान मोदी यांच्याशी चर्चा केली. राज्य सरकारने पोलाद क्षेत्रात मोठ्या प्रमाणावर गुंतवणूक केली असून, गडचिरोली भविष्यात भारताची स्टील सिटी बनेल, असा विश्वास त्यांनी व्यक्त केला.
नागपूर विमानतळाच्या विकासाला गती
बैठकीत नागपूर विमानतळाच्या विस्तारासंदर्भातही चर्चा झाली. या प्रकल्पातील अडथळे दूर करण्यासाठी केंद्र सरकारने सकारात्मक प्रतिसाद दिला आहे, त्यामुळे विमानतळाचे काम लवकरच वेग घेईल.
मुंबईत भव्य जागतिक समिट
मुंबईत 1 ते 4 मे दरम्यान “वर्ल्ड ऑडिओ, व्हिज्युअल अँड एन्टरटेनमेंट समिट” आयोजित करण्यात येणार आहे. या समिटच्या आयोजनाची संधी महाराष्ट्राला मिळाल्याबद्दल मुख्यमंत्र्यांनी पंतप्रधान मोदींचे आभार मानले.
फडणवीस यांची दिल्लीवारी यशस्वी!
मुख्यमंत्री फडणवीस यांची ही दिल्लीवारी महाराष्ट्रासाठी विकासाच्या दृष्टीने अत्यंत फलदायी ठरली. IICT सारखी भव्य संस्था, गडचिरोलीच्या विकासासाठी केंद्राचे सहकार्य आणि नागपूर विमानतळ प्रकल्पाला गती या सगळ्या निर्णयांमुळे महाराष्ट्राच्या विकासाला
मोठी चालना मिळणार आहे.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
