साटवली जलजीवन योजनेच्या अपयशावर ग्रामस्थ संतापले:
1 कोटी 8 लाखांचा खर्च; तरीही पाण्यासाठी संघर्ष.
जितेंद्र चव्हाण प्रतिनिधि.
साटवली (ता. लांजा) – शासनाच्या जलजीवन मिशन अंतर्गत 1 कोटी 8 लाख 699 रुपये खर्च करून राबवलेल्या नळ पाणी योजनेत अनियमितता आणि अपुऱ्या पाणीपुरवठ्यामुळे ग्रामस्थांमध्ये तीव्र नाराजी आहे. यामुळे योजनेची सखोल चौकशी करून दोषींवर कारवाई करण्याची मागणी करण्यात आली आहे.
काम निकृष्ट, पाणीपुरवठा अपुरा
साटवली गावातील सात ते आठ वाड्यांसाठी ही योजना मंजूर झाली होती. मात्र, तेलीवाडी, लावगणवाडी आणि बंदरवाडी येथे पाणीपुरवठा अपुरा आणि कमी दाबाने होत असल्याने ग्रामस्थांना मोठ्या त्रासाला सामोरे जावे लागत आहे.
- तेलीवाडीत अंदाजे 18 ते 20 कुटुंबे, लावगणवाडीत 35 ते 40 कुटुंबे असूनही पाणीपुरवठा नियमित नाही.
- ग्रामस्थांच्या म्हणण्यानुसार, अंदाजपत्रकाप्रमाणे काम झाले नसल्याने काम निकृष्ट झाले आहे.
- काही भागांत वेळेअवेळी पाणी येते, तर काही ठिकाणी पाणीच मिळत नाही.
अधिकार्‍यांकडे तक्रार, कारवाईची मागणी
या संदर्भात जिल्हा परिषद ग्रामीण पाणीपुरवठा विभागाच्या कार्यकारी अभियंत्यांकडे तक्रार दाखल करण्यात आली आहे. योजनेची प्रत्यक्ष पाहणी करून जबाबदारांवर कारवाई करण्याची मागणी निवेदनाद्वारे करण्यात आली आहे.
ग्रामस्थांचा लढा आणि स्वाक्षऱ्या
या निवेदनावर ग्रामपंचायत सदस्य, सामाजिक कार्यकर्ते आणि विविध वाड्यांतील नागरिकांनी सह्या केल्या आहेत. यात सामाजिक कार्यकर्ते अविनाश पांडुरंग पावसकर, सौ. जयस्वी जितेंद्र चव्हाण, तंटामुक्ती अध्यक्ष चिंतामणी सावंत, ग्रामपंचायत सदस्य व माजी सरपंच दत्ताराम नारायण सावंत, आनंद तुकाराम किल्लेकर, पोलीस पाटील सदानंद तुकाराम किल्लेकर, माहिती अधिकार फेडरेशन तालुका उपाध्यक्ष जितेंद्र चव्हाण, प्रकाश शेलार, वैभव किल्लेकर, सौ. सुनिता चव्हाण, कृष्णा शेलार, संतोष चव्हाण, चंद्रकांत खुर्द, पुरुषोत्तम शेलार, अनंत चव्हाण, सौ. दुर्वा शेलार, सौ. प्रिया माने, लक्ष्मण सावंत, राजेंद्र सावंत, सुरेश तुकाराम सावंत, राहुल माने, सौ. निर्मला सावंत, कृष्णा नारायण सावंत, महेश सावंत, विजय सावंत, जावेद मापारी, दशरथ सावंत, दशफीन बोबलाई, इम्तियाज दरवेश, फैमिदा दरवेश, अकबर बांगी, हारून लांबे, हमीद लांबे, जलील बांगी, मुमताज मेमन, जुम्मा मशीद कब्रस्तान साटवली बंदर, मुनियारा लांबे, अरमाना पावसकर व इतर ग्रामस्थांचा समावेश आहे.
प्रशासनाने तातडीने योग्य निर्णय न घेतल्यास पुढील आंदोलन छेडण्याचा इशारा देण्यात आला आहे.
Author: Team Ratnagiri Vartahar
Official Ratnagiri vartahar Media creators
