मिलिंद कीर यांची उच्च न्यायालयात याचिका; आलीमवाडी टाकी जागा खरेदी प्रकरणात नगरसेवकांना नोटीस
रत्नागिरी नगर परिषदेकडून नळपाणी योजनेत चुकीच्या जागेच्या खरेदीमुळे ४ कोटींहून अधिक खर्च; न्यायालयाने संबंधित नगरसेवक, नगराध्यक्षांना प्रतिज्ञापत्र सादर करण्याचे आदेश
रत्नागिरी:
रत्नागिरी नगर परिषदेमधील नूतन नळपाणी योजनेसाठी खरेदी करण्यात आलेल्या आलीमवाडी येथील टाकीच्या जागेवरून झालेल्या अतिरिक्त खर्चामुळे माजी नगराध्यक्ष मिलिंद कीर यांनी उच्च न्यायालयात रिट याचिका दाखल केली होती. या प्रकरणी ४ मार्च २०२५ रोजी झालेल्या सुनावणीनंतर न्यायालयाने तत्कालीन नगराध्यक्ष, उपनगराध्यक्ष आणि नगरसेवक यांना नोटीस बजावत २५ मार्च २०२५ पर्यंत प्रतिज्ञापत्र सादर करण्याचे आदेश दिले आहेत.
कीर यांनी या प्रकरणी महाराष्ट्र नगर परिषद औद्योगिक नगरी अधिनियम १९६५ मधील कलम ३११, ४२, ५५अ, ५५ब अन्वये संबंधित लोकप्रतिनिधींना अपात्र ठरवण्याची मागणी केली आहे. त्यांनी १५ फेब्रुवारी २०२१ रोजी नगरविकास मंत्रालयाकडे कैफियत दाखल केली होती. मात्र, न्याय मिळत नसल्यामुळे त्यांनी उच्च न्यायालयात दाद मागितली.
या प्रकरणात मुळात मिरकरवाडा आणि पंधरामाड येथे उपलब्ध असलेल्या शासकीय जागा डावलून आलीमवाडी, परटवणे येथे नवीन जागा खरेदी करण्यात आली. यामुळे पाईपलाईन लांबी सुमारे ९,००० मीटरने वाढली आणि अंदाजे ४.२३ कोटी रुपयांचा अतिरिक्त खर्च जनतेच्या पैशातून केला गेला, असा आरोप कीर यांनी केला आहे.
प्रकरणात कीर यांचे वकील अॅड. मयुरेश सपकाळे यांनी युक्तिवाद केला.
#RatnagiriNews #MilindKeer #HighCourtPetition #MunicipalCorruption #WaterSchemeScam #RatnagiriMunicipality #LegalAction #UrbanDevelopment #PublicMoneyWaste #AlimwadiLandDeal
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
