पालकमंत्री उदय सामंत यांचा “कोकणचा साज, संगमेश्वरी बाज” कार्यक्रमात सहभाग
श्रीराम नवमी निमित्त संगमेश्वरच्या मानसकोंड येथील श्रीराम मंदिरात दर्शन, कोकणच्या सांस्कृतिक वैभवाचे कौतुक
तळवली (मंगेश जाधव)
राज्याचे उद्योग व मराठी भाषा मंत्री तसेच रत्नागिरी जिल्ह्याचे पालकमंत्री मा. ना. उदयजी सामंत यांनी श्रीराम नवमीच्या दिवशी संगमेश्वर तालुक्यातील मानसकोंड येथील श्रीराम मंदिरात जाऊन प्रभू श्रीरामाचे दर्शन घेतले. यानंतर त्यांनी सर्व ग्रामस्थांना श्रीराम नवमीच्या मनःपूर्वक शुभेच्छा दिल्या.
या शुभप्रसंगी त्यांनी कोकणची समृद्ध कला परंपरा जपणारा विशेष सांस्कृतिक कार्यक्रम “कोकणचा साज, संगमेश्वरी बाज” याचा मनमुराद आनंद घेतला. पारंपरिक वाद्यसंगीत, स्थानिक कलाकारांचा बहारदार जलवा आणि भक्तिभावाने भरलेले वातावरण यामुळे मन अंतःकरणापर्यंत भारावून गेले, असे उद्गार मा. ना. उदयजी सामंत यांनी यावेळी काढले.
या कार्यक्रमाला शिवसेना जिल्हा प्रमुख राहुल पंडित, तालुका प्रमुख बाबू म्हाप, शहर प्रमुख बिपिन बंदरकर यांच्यासह अनेक मान्यवरांची उपस्थिती लाभली. स्थानिक ग्रामस्थ व रसिक प्रेक्षकांनीही मोठ्या संख्येने सहभाग नोंदवला.
कार्यक्रमात पालकमंत्री उदय सामंत यांचा सत्कार करताना आयोजक व मान्यवर.
#UdaySamant #KonkanchaSaaj #SangameshwariBaaj #ShriramNavmi2025 #Sangameshwar #RatnagiriNews #KonkanCulture #MarathiNews #ratnagirivartahar
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
