पनवेलमध्ये रंगणार ‘परिणीता सन्मान सोहळा २०२५’; २७ महिलांचा होणार गौरव
प्रसिद्ध परिणीता सोशल फाऊंडेशनचा चौथा सन्मान सोहळा यंदा पनवेलमध्ये होणार; कलाकार, पत्रकार, उद्योजिकांसह सोशल मीडिया इन्फ्लुएन्सर्सचा सन्मान
बातमी:
नवी मुंबई (मंगेश जाधव):
महाराष्ट्रातील प्रसिद्ध परिणीता सोशल फाऊंडेशन यांच्यातर्फे आयोजित होणारा बहुचर्चित ‘परिणीता सन्मान सोहळा २०२५’ यावर्षी पनवेल येथे पार पडणार आहे. हा सन्मान सोहळा यंदाचा चौथा असून ‘पनवेल परिणीता’ या उपक्रमांतर्गत त्याचे आयोजन करण्यात आले आहे.
दरवर्षीप्रमाणे यंदाही या सोहळ्याला परिणीता कलाकार, उद्योजिका, पत्रकार, सोशल मीडिया इन्फ्लुएन्सर्स यांचा उत्स्फूर्त प्रतिसाद मिळाला आहे. यावर्षी पुरस्कारांसाठी राज्यभरातून तब्बल ३२६ अर्ज प्राप्त झाले होते. यामधून निवड करून २७ महिलांना ‘परिणीता सन्मान’ जाहीर होणार आहे, अशी माहिती सोहळा प्रमुख प्रसाद हनुमंते यांनी दिली.
विशेष म्हणजे, यावर्षी नामांकन प्रक्रिया रद्द करून थेट पुरस्कार जाहीर करण्याचा निर्णय घेण्यात आला असून, ही माहिती फाऊंडेशनच्या संस्थापिका साक्षी सागवेकर यांनी दिली. यामध्ये परिणीता कलाकार, पत्रकार, सोशल मीडिया इन्फ्लुएन्सर, आणि सदस्य उद्योजिका यांचा समावेश आहे.
या पुरस्कार सोहळ्याची अधिकृत घोषणा बुधवारी सकाळी ११ वाजता करण्यात येणार असून, त्याचवेळी कार्यक्रमाची तारीख, वेळ, स्थळ याबाबतही माहिती देण्यात येणार आहे.
प्रेक्षकांसाठी मोफत प्रवेश असला तरी प्रवेश मर्यादित असेल. इच्छुक प्रेक्षकांनी आपलं नाव आणि सोबत येणाऱ्यांची संख्या WhatsApp वर +91 84688 03303 या क्रमांकावर पाठवावी, असे आवाहन सोहळा प्रमुख प्रसाद हनुमंते यांनी केलं आहे.
ज्या महिलांना यंदा हा सन्मान मिळणार आहे, त्या सर्वांचे परिणीता सोशल फाऊंडेशनच्यावतीने हार्दिक अभिनंदन करण्यात आले आहे.
#ParineetaSanman2025 #PanvelEvents #WomenEmpowerment #ParineetaFoundation #SocialInfluencers #UdyogikaSanman #ArtistRecognition #JournalistAwards #FreeEntryEvent #PanvelNews #MaharashtraNews
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
