संगमेश्वरच्या शिवसेना (उबाठा) गटाला नवसंजीवनी! सहदेव बेटकरांचा आज पक्षप्रवेश
माजी जिल्हा परिषद सभापती आणि ओबीसी नेते सहदेव बेटकर आज उबाठा येथे समर्थकांसह शिवसेना (उध्दव बाळासाहेब ठाकरे) गटात करणार पक्षप्रवेश; गटाला नवचैतन्य मिळण्याची चिन्हं.
संगमेश्वर तालुक्यातील शिवसेना (उध्दव बाळासाहेब ठाकरे) गटाला आज मोठी राजकीय नवसंजीवनी मिळणार आहे. रत्नागिरी जिल्ह्यातील ओबीसी समाजात प्रभावी ओळख असलेले आणि माजी जिल्हा परिषद शिक्षण व अर्थ सभापती सहदेव बेटकर आज, ८ एप्रिल २०२५ रोजी, उबाठा येथे आपल्या समर्थकांसह पक्षप्रवेश करणार आहेत.
गेल्या विधानसभा निवडणुकीत गुहागर मतदारसंघातून अपक्ष उमेदवारी करत त्यांनी जोरदार लढत दिली होती. निकराची झुंज देताना काही मोजक्या मतांमुळे त्यांना पराभव पत्करावा लागला होता. मात्र, त्यांच्या नेतृत्वातील तळागाळाशी जोडलेली राजकीय ताकद आणि कार्यकर्त्यांशी असलेला ऋणानुबंध पाहता त्यांच्या प्रवेशाने शिवसेना (उबाठा) गटाला निश्चितच बळकटी मिळणार असल्याचे जाणकारांचे मत आहे.
सहदेव बेटकर हे आजपासून शिवबंधन बांधून सक्रिय राजकारणात पुन्हा एकदा जोमाने उतरणार आहेत. त्यांच्या आगमनाने गटातील कार्यकर्त्यांमध्ये नवचैतन्य निर्माण होईल, असा आशावाद शिवसैनिकांमध्ये आहे. त्यांच्या प्रवेशासाठी मातोश्रीवर हालचालींनाही वेग आला आहे, हे विशेष.
Author: Team Ratnagiri Vartahar
Official Ratnagiri vartahar Media creators & RV News YouTube Channel.
