????️ आता इगतपुरी ते कसारा अंतर फक्त सात मिनिटांत!
समृद्धी महामार्गावरील देशातील सर्वात मोठ्या बोगद्याचे लोकार्पण महाराष्ट्रदिनी
नाशिक :
इगतपुरीपासून मुंबईकडे जाणारा प्रवास आणखी गतीमान होणार आहे! समृद्धी महामार्गावरील देशातील पहिला व सर्वात मोठा ७.८ किलोमीटर लांबीचा सहापदरी बोगदा पूर्णत्वास आला असून, येत्या १ मे महाराष्ट्रदिनी त्याचे लोकार्पण होणार आहे. यामुळे इगतपुरी ते कसारा हे अंतर अवघ्या सात मिनिटांत पार करता येणार आहे. तसेच, घोटी ते मुंबई हे अंतर केवळ दीड तासात पार होईल. या बोगद्यामुळे वाहतुकीला नवा वेग मिळणार आहे.
देशातील सर्वात मोठा सहापदरी बोगदा
महाराष्ट्र राज्य रस्ते विकास महामंडळाच्या (एमएसआरडीसी) मार्गदर्शनाखाली उभारलेला हा बोगदा सुरक्षिततेच्या दृष्टिकोनातून अत्याधुनिक सोयींनी सज्ज आहे. विशेष म्हणजे, अत्यंत कठीण परिस्थितीतही हे काम सहा महिने आधी पूर्ण झाले असून, पाच वर्षांत एकही अपघात किंवा जीवितहानी झालेली नाही.
बोगद्याची लांबी : ७.८ किलोमीटर
उंची : ९.२ मीटर
रुंदी : १७ मीटर
दोन स्वतंत्र बोगदे (मुंबई व नागपूर बाजूस)
खर्च : ३ हजार कोटी रुपये
कार्यकाल : पाच वर्षे
बांधकाम कंपनी : एफकॉन कंपनी
आधुनिक वैशिष्ट्ये आणि सुरक्षा उपाय
मिस्ट तंत्रज्ञान : बोगद्यामध्ये आग लागल्यास सेंसरद्वारे आपोआप पाण्याचे फवारे सुरू होणार.
क्रॉस पॅसेज (२६ ठिकाणी) : देखभाल किंवा आपत्कालीन परिस्थितीत वाहतूक वळवण्यासाठी.
ले बाय स्पॉट (७ ठिकाणी) : नादुरुस्त वाहनांसाठी विशेष जागा.
विशिष्ट प्रकाश योजना : वाहनचालकांना अंधुकपणा जाणवू नये म्हणून ४०० मीटर शेडची व्यवस्था.
आपत्कालीन व्हेंटिलेशन बोगदा : आपत्तीच्या प्रसंगी पर्यायी मार्ग.
२४ तास सीसीटीव्ही नियंत्रण : संपूर्ण बोगद्यावर कडक नजर.
भारतीय संस्कृतीचे चित्रांकन : बोगद्याच्या दर्शनी भागावर विविध संस्कृतींचे चित्रण.
प्रकल्पातील मुख्य व्यक्ती
या भव्य प्रकल्पामध्ये एमएसआरडीसीचे संचालक अनिलकुमार गायकवाड, मुख्य अभियंता साहेबराव सुरवसे, टनेल एक्स्पर्ट माजीद इम्रान, सुरक्षा अधिकारी जगन्नाथ मंडल, प्रकल्प व्यवस्थापक शेखर दास यांचा मोलाचा वाटा आहे.
—
#हॅशटॅग्स
#समृद्धीमहामार्ग #इगतपुरीबोगदा #मुंबईनागपूरहायवे #समृद्धीबोगदा #महामार्गलोकार्पण #बोगद्याचीकहा
Author: Team Ratnagiri Vartahar
Official Ratnagiri vartahar Media creators & RV News YouTube Channel.
