एनडीआरएफचा तळ रत्नागिरीत सुरू करण्यासाठी आग्रही

Www.ratnagirivartahar.in

???? एनडीआरएफचा तळ रत्नागिरीतच!

???? पालकमंत्री उदय सामंत यांची सूचना, २ तास घेतला आपत्ती व्यवस्थापन आढावा

रत्नागिरी, दि. ३१ मे – रत्नागिरीत एनडीआरएफचा कायमस्वरूपी तळ स्थापन करण्याच्या दृष्टीने प्रस्ताव तयार करून पाठपुरावा करावा, अशी ठोस सूचना पालकमंत्री डॉ. उदय सामंत यांनी आज अधिकाऱ्यांना दिली. जिल्हाधिकारी कार्यालयात तब्बल दोन तास घेतलेल्या बैठकीत त्यांनी आपत्ती व्यवस्थापन यंत्रणेचा सर्वांगीण आढावा घेतला.

या बैठकीस आमदार किरण सामंत, जिल्हाधिकारी एम. देवेंदर सिंह, पोलीस अधीक्षक नितीन बगाटे, अपर जिल्हाधिकारी भाऊसाहेब गलांडे, निवासी उपजिल्हाधिकारी चंद्रकांत सूर्यवंशी यांच्यासह विविध विभागांचे वरिष्ठ अधिकारी उपस्थित होते.

बैठकीत पावसामुळे झालेले शेती, घरे, गोठ्यांचे नुकसान, रस्ते व वीजपुरवठा यंत्रणेची सद्यस्थिती, सार्वजनिक आरोग्य व बांधकाम विभाग, धोकादायक शाळा-अंगणवाड्यांची माहिती, धरण परिसरातील संभाव्य स्थलांतराचे नियोजन, औषध साठा, साथीचे आजार, कोकण रेल्वे व एसटी बसस्थानकांची स्वच्छता आदी विविध मुद्द्यांवर सखोल चर्चा झाली.

प्रमुख सूचना:

• एनडीआरएफ तळासाठी जागा उपलब्ध केली जाईल.
• 65 मिमी पेक्षा जास्त पावसात नुकसान भरपाई तत्काळ द्यावी.
• औषध साठा, स्नेक बाईट उपचार तयारी ठेवावी.
• प्रलंबित शवविच्छेदन अहवाल तत्काळ द्यावेत.
• कोणीही मदतीपासून वंचित राहू नये.
• कोकण रेल्वे, एसटी विभागांनी स्वच्छता व सुरक्षिततेसाठी उपाययोजना कराव्यात.
• महावितरणने वाड्यांचा सविस्तर सर्वे करून थ्री-फेज विजेची कामे हाती घ्यावीत.
• अतिधोकादायक शाळांची यादी तयार करून तातडीने उपाययोजना करावी.
• अधिकारी मुख्यालय सोडू नये; फोन न उचलणाऱ्यांवर शिस्तभंगाची कारवाई.

आगामी चार महिने प्रशासनाने पूर्ण सतर्क राहण्याचे निर्देश देत पालकमंत्र्यांनी जिल्ह्याच्या आपत्ती व्यवस्थापनासाठी व्यापक आराखडा तयार करण्यावर भर दिला.

???? हॅशटॅग:

#रत्नागिरी #उदयसामंत #आपत्तीव्यवस्थापन #NDRF #कोकणविकास #पालकमंत्री #RatnagiriNews #KonkanDevelopment #DisasterManagement

???? फोटो

Author: Sujit Surve.

⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕