इंग्लिश स्कूल व कनिष्ठ महाविद्यालय तळवली येथे आंतरराष्ट्रीय योग दिन उत्साहात साजरा

ニュー इंग्लिश स्कूल व कनिष्ठ महाविद्यालय तळवली येथे आंतरराष्ट्रीय योग दिन उत्साहात साजरा

(International Yoga Day celebrated with enthusiasm at New English School and Junior College, Talawali)

तळवली (मंगेश जाधव)
गुहागर तालुक्यातील पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली, ता. गुहागर जि. रत्नागिरी येथे 21 जून रोजी “आंतरराष्ट्रीय योग दिन” मोठ्या उत्साहात साजरा करण्यात आला.
या प्रसंगी, शाळेचे क्रीडा शिक्षक श्री. बागल सर यांनी आंतरराष्ट्रीय योग दिनाचे महत्त्व सांगितले. त्यांनी स्पष्ट केले की 11 डिसेंबर 2014 रोजी संयुक्त राष्ट्र संघटनेने 21 जून हा आंतरराष्ट्रीय योग दिन म्हणून घोषित केला, तेव्हापासून हा दिवस जगभरात साजरा केला जात आहे.
शाळेचे मुख्याध्यापक श्री. एम. ए. थरकार सर यांनी आंतरराष्ट्रीय योग दिनाच्या सर्वांना शुभेच्छा दिल्या. त्यांनी सांगितले की हा कार्यक्रम मानवी कल्याण आणि चांगल्या आरोग्याला प्रोत्साहन देणारा असून, याविषयी जगभरातील लोकांमध्ये जागृती निर्माण करण्याच्या उद्देशाने हा दिवस साजरा केला जातो. त्यांनी सर्व विद्यार्थी, शिक्षक आणि शिक्षकेतर कर्मचाऱ्यांना आंतरराष्ट्रीय योग दिनाच्या शुभेच्छा दिल्या.
आंतरराष्ट्रीय योग दिनानिमित्त, विद्यार्थ्यांचे शारीरिक आणि मानसिक आरोग्य निरोगी ठेवण्यासाठी विविध प्रकारची योगासने प्रात्यक्षिक स्वरूपात दाखवण्यात आली. यामध्ये पूरक हालचाली म्हणून मानेच्या हालचाली, खांद्याची हालचाल, कमरेच्या हालचाली, पायाच्या हालचाली, तसेच बैठक स्थितीतील आसनेही विद्यार्थ्यांनी केली. कपालभाती, प्राणायाम, ध्यानस्थिती, ताडासन, वृक्षासन, वज्रासन इत्यादी प्रकारची योगासने विद्यार्थ्यांनी केली.
आंतरराष्ट्रीय योग दिनाचे औचित्य साधून शाळेचे कला शिक्षक श्री. श्रीनाथ कुळे सर यांनी केलेले सुंदर असे फलक लेखन सर्वांचे आकर्षण ठरले होते.
या कार्यक्रमाचे नियोजन क्रीडा शिक्षक श्री. बागल सर यांनी केले होते. यामध्ये श्री. साळुंके सर, श्री. देवरुखकर सर, श्री. गवळी सर, श्री. केळस्कर सर, श्री. कुळे सर, श्री. पुनस्कर सर, प्रा. जड्याळ सर, श्री. गुरसळे सर, सौ. नाईक मॅडम, प्रा. आयरे मॅडम, सौ. कांबळे मॅडम, प्रा. सावंत मॅडम, श्री. अक्षय चव्हाण, श्री. प्रणय आरोलकर इत्यादी शिक्षक-शिक्षकेतर कर्मचारी आणि शाळेतील सर्व विद्यार्थी सहभागी झाले होते.

This news report highlights the enthusiastic celebration of International Yoga Day at New English School and Junior College, Talawali. It details the contributions of various staff members, the importance of Yoga Day, and the practical demonstrations of various yoga asanas by the students.

Author: Sujit Surve.

⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕