इच्छापूर्ती दिगंबर स्वामी यांच्याकडून युपीएससी विद्यार्थिनीला ५० हजारांचे आर्थिक सहाय्य
🙏 सामाजिक बांधिलकीचे जिवंत उदाहरण; पुणे येथील विद्यार्थिनीच्या शिक्षणासाठी मदतीचा हात
✍️भरत माने – प्रतिनिधी | नेरुळ, नवी मुंबई
इच्छापूर्ती श्री दत्त दिगंबर मंदिर, नेरुळ (सेक्टर १५, नवी मुंबई) येथील सद्गुरू इच्छापूर्ती दिगंबर स्वामी हे केवळ अध्यात्मिक मार्गदर्शन करणारे गुरू नसून, सामाजिक बांधिलकी जपणारे मार्गदर्शकही आहेत. त्यांनी अलीकडेच पुणे येथील ‘Winsdom IAS करिअर अकॅडमी’त युपीएससीची तयारी करणाऱ्या गायत्री संदीप सावंत (मूळ गाव साखरपा) या विद्यार्थिनीला ₹५०,०००/- आर्थिक मदत केली.
गायत्रीने दहावी व बारावीमध्ये उत्कृष्ट गुण मिळवले असून, ‘चतुरंग गोडबोले आदर्श विद्यार्थी पुरस्कार’ देखील तिला प्राप्त झाला आहे. तिचे वडील संदीप सावंत हे इच्छापूर्ती बाबांचे शिष्य आहेत. त्यांनी मुलीच्या शिक्षणासाठी मदतीची विनंती केली होती, त्यानंतर बाबांनी कागदपत्रांची पाहणी करून तिला आर्थिक सहाय्य दिले.
बाबांनी यापूर्वीही अनेक गरजू विद्यार्थ्यांना शिक्षणासाठी, तसेच आपत्तीच्या वेळी मदत केली आहे. शालेय साहित्य वाटप, आरोग्य शिबिरे, वस्तुरुपी मदतीचे उपक्रम संस्था सातत्याने राबवत असते.
“दान केल्याने अंत:करणाला शांती व समाधान लाभते,” या भावनेतून बाबांचे कार्य पुढेही अविरत सुरूच राहील.
—
Meta Title: इच्छापूर्ती दिगंबर स्वामींचे UPSC विद्यार्थिनीला आर्थिक सहाय्य | समाजसेवेचे उत्तम उदाहरण
Meta Description: नवी मुंबईतील इच्छापूर्ती दत्त दिगंबर मंदिराचे स्वामी यांनी पुण्यात UPSC अभ्यास करणाऱ्या विद्यार्थिनीला ५० हजार रुपयांची मदत करून सामाजिक बांधिलकी जपली
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
