धक्कादायक! दापोलीत भावाने भावाचाच केला खून – कौटुंबिक वादातून हृदयद्रावक घटना

:🔴 धक्कादायक! दापोलीत भावाने भावाचाच केला खून – कौटुंबिक वादातून हृदयद्रावक घटना

दापोली (प्रतिनिधी): तालुक्यातील उन्हवरे गावातील बौद्धवाडी येथे काल रात्री एक धक्कादायक आणि हृदयविदारक घटना घडली. भावाने आपल्या सख्ख्या भावाचा खून केल्याचा प्रकार उघडकीस आला असून परिसरात भीतीचं वातावरण निर्माण झालं आहे.

मृत व्यक्तीचं नाव विनोद गणपत तांबे (वय 36) असून ते उन्हवरे येथील रहिवासी होते. प्राथमिक माहितीनुसार, काही दिवसांपासून विनोद तांबे आणि त्यांचा भाऊ यांच्यात कौटुंबिक कारणांवरून वाद सुरू होता. या वादाचे पर्यवसान गंभीर भांडणात व नंतर खुनात झाले.

काल रात्री उशिरा झालेल्या भांडणात भावाने विनोद यांच्यावर जीवघेणा हल्ला केला. या हल्ल्यात विनोद तांबे यांचा मृत्यू झाला.

घटनेची माहिती मिळताच दापोली पोलिसांनी घटनास्थळी धाव घेत मृतदेह ताब्यात घेतला असून, शवविच्छेदनासाठी तो पाठवण्यात आला आहे.

दापोली पोलीस ठाण्यातील पथक या प्रकरणाचा सखोल तपास करत असून, खुनाचे नेमके कारण, हत्येचे स्वरूप आणि त्यामागील पार्श्वभूमी शोधली जात आहे. पोलिसांनी संशयित आरोपीला ताब्यात घेतले आहे.

या घटनेमुळे गावात तणावाचे आणि भीतीचे वातावरण आहे. मात्र पोलिसांनी परिस्थिती नियंत्रणात असल्याचं सांगितलं आहे.

—

#Dapoli #MurderCase #FamilyDispute #ShockingNews #RatnagiriCrime #KonkanUpdates #MaharashtraCrime #BreakingNews #LocalNews

📰

Author: Prachi Sutar

Prachi Sutar - Ratnagiri. *Digital media creators* Office clark.PR.