💥 भाजपकडून खांदेपालट!

अमित साटम यांची मुंबई अध्यक्षपदी नियुक्ती; महापालिका निवडणुकीआधी भाजपने फिरवली भाकरी

मुंबई : आगामी मुंबई महानगरपालिका निवडणुकीच्या पार्श्वभूमीवर भाजपने मोठा खांदेपालट करत आक्रमक वक्तृत्वासाठी ओळखले जाणारे अमित साटम यांची मुंबई भाजप अध्यक्षपदी नियुक्ती केली आहे. मुंबई भाजप मुख्यालयात भाजप प्रदेशाध्यक्ष रवींद्र चव्हाण आणि मुख्यमंत्री देवेंद्र फडणवीस यांच्या उपस्थितीत सोमवारी या बदलाची घोषणा करण्यात आली.

अमित साटम हे मुंबईच्या पश्चिम उपनगरातून तीनवेळा विधानसभेसाठी निवडून आलेले आमदार असून, याआधी त्यांनी नगरसेवक म्हणूनही काम केले आहे. नागरी प्रश्नांवरील अभ्यासू आणि आक्रमक प्रतिमेमुळेच त्यांच्यावर ही जबाबदारी सोपवण्यात आल्याचे भाजप नेतृत्त्वाने स्पष्ट केले.

मुख्यमंत्री देवेंद्र फडणवीस यांनी या निमित्ताने घेतलेल्या पत्रकार परिषदेत माजी अध्यक्ष आशिष शेलार आणि मंगलप्रभात लोढा यांच्या कार्याचे कौतुक केले. “अमित साटम हे अभ्यासू, आक्रमक आणि संघटन कौशल्य असलेले नेते आहेत. मुंबईच्या राजकारणाची त्यांना चांगली जाण आहे. त्यांच्या नेतृत्वाखाली भाजप मुंबईत घोडदौड राखेल आणि महायुतीला पुन्हा सत्ता मिळेल,” असा विश्वास फडणवीसांनी व्यक्त केला.

मुंबई भाजपमध्ये या बदलामुळे आगामी महापालिका निवडणूक अधिक चुरशीची होणार आहे.

📌 हॅशटॅग्स :

#MumbaiPolitics #BJP #AmitSatam #DevendraFadnavis #AshishShelar #MumbaiElection2025 #BMC

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग