🚨 रत्नागिरीत अमली पदार्थांवर धडक कारवाई; ४ किलो गांजा जप्त, आरोपीला अटक
L.C.B. पथकाची मोठी कारवाई; २.४० लाखांचा मुद्देमाल हस्तगत
रत्नागिरी : जिल्ह्यात अमली पदार्थांच्या विक्री व वितरणाला आळा घालण्यासाठी स्थानिक गुन्हे अन्वेषण शाखेने (LCB) मोठी कारवाई केली आहे. जिल्हा पोलीस अधीक्षक नितीन दत्तात्रय बगाटे व अपर पोलीस अधीक्षक बी.बी. महामुनी यांच्या मार्गदर्शनाखाली, पोलीस निरीक्षक नितीन ढेरे यांच्या नेतृत्वाखालील पथकाने खेडशी, गयाळवाडी, रेल्वे स्टेशन, कुवारबाव, नाचणे, मारुती मंदिर व आठवडा बाजार परिसरात गस्त घालताना एका संशयिताला ताब्यात घेतले.
📍 आठवडा बाजारातील गाळ्यांमागील शेडमध्ये संशयास्पद हालचाल करणारा इसम दिसल्याने त्याची चौकशी करण्यात आली. त्याचे नाव नंदादीप नामदेव वाघदरे (वय २९, रा. लांजा जुनी बाजारपेठ, जि. रत्नागिरी) असे नोंदवले गेले. त्याच्या सॅकमध्ये तपासणी केली असता ४ किलो गांजा आढळून आला.
👉 या कारवाईत एकूण ₹२,४०,१०० किंमतीचा मुद्देमाल जप्त करण्यात आला. आरोपीविरुद्ध रत्नागिरी शहर पोलीस ठाण्यात NDPS कायदा 1985 चे कलम 8(क), 20(ब)॥(ब) अंतर्गत गुन्हा दाखल करण्यात आला असून पुढील तपास सुरू आहे.
👮♂️ कारवाईत सहभागी अधिकारी व अंमलदार :
संदीप ओगले, शांताराम झोरे, नितीन डोमणे, बाळू पालकर, अमित कदम, प्रविण खांबे, गणेश सावंत, सत्यजित दरेकर, अतुल कांबळे, दत्ता कांबळे.
—
🔖 हॅशटॅग्स :
#Ratnagiri #CrimeNews #GanjaSeized #NDPSAct #PoliceAction #LCBRatnagiri #DrugFreeIndia
—
📷 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
