वेळणेश्वरच्या माजी जि.प. सदस्या नेत्राताई ठाकूर यांची जिल्हा नियोजन समितीवर निवड

👇बातम्या ऐकण्यासाठी येथे क्लिक करा

 


🌟 वेळणेश्वरच्या माजी जि.प. सदस्या नेत्राताई ठाकूर यांची जिल्हा नियोजन समितीवर निवड

✨ पालकमंत्री उदय सामंत यांचा दिलेला शब्द पूर्ण; तालुक्यातील विकासकामांना मिळणार नवी गती

आबलोली (संदेश कदम)
वेळणेश्वर जिल्हा परिषद गटाच्या माजी सदस्य सौ. नेत्राताई ठाकूर यांची जिल्हा नियोजन समिती सदस्यपदी निवड करण्यात आली आहे. त्यांच्या नियुक्तीचे पत्र नुकतेच प्राप्त झाले असून, या निर्णयामुळे गुहागर तालुक्यातील विकासकामांना वेग मिळणार आहे.

गेल्या महिन्यातच सौ. नेत्राताई ठाकूर यांनी आपल्या कार्यकर्त्यांसह शिवसेना (उद्धव ठाकरे गट) सोडून मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला होता. त्या वेळी व्यासपीठावरून पालकमंत्री उदय सामंत यांनी आश्वासन दिले होते की, “नेत्राताई यांना योग्य सन्मान मिळेल.” या शब्दाला आता न्याय मिळाला आहे.

याआधीही ठाकूर यांनी जिल्हा नियोजन समिती सदस्य म्हणून काम पाहिले असून, त्या काळात त्यांनी तालुक्यात अनेक विकासकामे केली. आगामी काळातही गुहागर तालुका आणि वेळणेश्वर जि.प. गटात ठोस विकासकामे करून पदाचा मान राखतील, असा विश्वास कार्यकर्त्यांमध्ये व्यक्त होत आहे.

 

 


🔖 हॅशटॅग्स

#नेत्राताईठाकूर #उदयसामंत #गुहागर #रत्नागिरी #जिल्हानियोजनसमिती #शिवसेना


📸

RV.Ratnagiri Office
Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग

Leave a Comment

आणखी वाचा...