आबलोली : एक्सलंट अकॅडमी इंग्लिश मीडियम स्कूलचे स्पर्धा परीक्षांमध्ये उज्ज्वल यश
आबळोली (संदेश कदम) : गुहागर तालुक्यातील एक्सलंट अकॅडमी इंग्लिश मीडियम स्कूल या शाळेने स्पर्धा परीक्षांमध्ये उल्लेखनीय यश संपादन करत शैक्षणिक क्षेत्रात आपली गुणवत्ता पुन्हा एकदा सिद्ध केली आहे.
इयत्ता पहिलीतील विद्यार्थी कु. तेज तेजस केंबळे याने 150 पैकी 134 गुण मिळवत मंथन राज्यस्तरीय स्पर्धेत कोकण विभागीय यादीत चौथा क्रमांक तर राज्यस्तरीय गुणवत्ता यादीत नववा क्रमांक पटकावला. त्याच्या या यशामुळे शाळेचे नाव उज्ज्वल झाले आहे.
तसेच इयत्ता पहिलीतील कुमारी श्रेया सचिन सोनवलकर हिने 150 पैकी 92 गुण मिळवले, तर कुमार शौर्य दीपक बादावटे याने 150 पैकी 54 गुण मिळवून यश संपादन केले.
इयत्ता तिसरीतील कुमार शौर्य संजय राठोड याने 300 पैकी 204 गुण, कुमारी हर्षिता नरेंद्र रहाटे हिने 198 गुण, तसेच देवांश गणेश किर्वे याने 146 गुण मिळवले. इयत्ता सहावीतील कुमारी गार्गी देवेंद्र भोसले हिने 124 गुण, तर इयत्ता सातवीतील कुमारी विधी गणेश किर्वे हिने 146 गुण मिळवत आपली गुणवत्ता दाखवून दिली.
या सर्व विद्यार्थ्यांच्या यशाबद्दल संस्थेचे अध्यक्ष सचिनशेठ बाईत, सेक्रेटरी सौ. स्नेहल बाईत तसेच मुख्याध्यापिका सौ. नेत्रा रहाटे यांनी अभिनंदन करून शुभेच्छा दिल्या. तसेच विद्यार्थ्यांना मार्गदर्शन करणाऱ्या सर्व शिक्षकांचेही कौतुक करण्यात आले.
यावेळी दामोदर गोणबरे, सौ. शर्मिष्ठा साळुंखे, सौ. शितल सोनवलकर, सौ. शमीम मुल्ला, सौ. प्रांजली शिगवण तसेच तेजस केंबळे उपस्थित होते.
या यशामुळे परिसरात शाळेचे कौतुक होत असून विद्यार्थ्यांनी भविष्यातही असेच यश संपादन करावे, अशी अपेक्षा व्यक्त करण्यात येत आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
