जैतापूरचे गावचे सुपुत्र श्री.संजय माजरेकर यांना सेंचुरी रेयॉन कंपनीत विशेष सन्मान
राजू सागवेकर :- राजापूर
▪️ जैतापूर गावचे सुपुत्र संजय माजरेकर यांनी आपल्या कर्तव्यनिष्ठ आणि निःस्वार्थ सेवेमुळे मोठा सन्मान मिळवला आहे. सेंचुरी रेयॉन किंवा बिर्ला समूहात 35 वर्षे प्रदीर्घ सेवा केल्यानंतर, त्यांना स्वातंत्र्यदिनाच्या दिवशी कंपनीच्या भव्य प्रांगणात ध्वजरोहणाचा मान देण्यात आला. त्यांच्या या विशेष सन्मानामुळे संपूर्ण कुटुंब आणि गावात आनंदाचे वातावरण आहे.
▪️ संजय माजरेकर यांनी आपल्या मेहनत, प्रामाणिकपणा आणि कामावरील निष्ठेमुळे हा सन्मान मिळवला आहे. हजारो कामगारांमध्ये त्यांच्या ज्येष्ठतेची ओळख राखत त्यांनी संस्थेसाठी दिलेल्या योगदानाची ही मोठी पोचपावती आहे. आपल्या वरिष्ठ अधिकाऱ्यांप्रती आदर, कामावरील निष्ठा आणि सेवा भावनेमुळे ते सर्वांसाठी आदर्श ठरले आहेत.
▪️ कारखाना सुरळीत चालू राहावा, उत्पादन वेळेवर पूर्ण व्हावे, कंटेनर वेळेवर पोहोचावे यासाठी त्यांनी अनेक बलिदाने दिली. वैयक्तिक जीवन, सण-समारंभ यांना दुय्यम स्थान देत आपल्या जबाबदाऱ्या पार पाडल्या. काही वेळा टीका सहन करावी लागली तरीही त्यांनी आपल्या कर्तव्याला प्राधान्य दिले. त्यांच्या या समर्पित सेवेमुळेच आज त्यांना हा मोठा सन्मान मिळाला आहे.
▪️ या विशेष गौरवाबद्दल त्यांच्या कुटुंबीयांनी, सहकाऱ्यांनी आणि संपूर्ण जैतापूर गावाने त्यांचे मनःपूर्वक अभिनंदन केले आहे. त्यांच्या पुढील कार्यासाठी आणि उत्तम आरोग्यासाठी शुभेच्छा देत, भविष्यातही ते असाच नवा आदर्श निर्माण करतील, असा विश्वास व्यक्त करण्यात आला आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
